2015年7月8日星期三

安屁詐醉

真醉假醉也是醉
酒後吐出驚人句
看似拳頭打爆石
查實心驚膽亦脆

各位、唔知你哋有冇見過一個國家元首居然會在傳媒面前飲醉酒、並自己踢爆自己嘅驚天大陰謀呢?如果未見過、今次不防見識一下啦!日前有一份扶桑周刊踢爆安屁晉三與一群親「痔民黨」記者摸杯底時、自爆他與奧黑馬聯手在南海滋事、目的就是要迫使天朝開戰、藉此將天朝打至倒退三十年、到時扶桑和花旗方可安枕無憂。不過當安屁講完那番話之後、他的隨從立即向在場記者發出警告、誰人膽敢把安屁嘅講話外泄、一切後果自負。果然、扶桑報章隻字不提、但沒有受到邀請嘅周刊就唔理否七廿一、將安屁酒後吐真言公諸於世。

一直以來、安屁給人的印象是要令軍國主義在他手中復活、而不惜冒着跟天朝開戰之危也要拼命的去討好奧黑馬。但從安屁今次嘅弦外之音可以聽得出、奧黑馬大概是要扶桑做花旗戰爭代理人、並在南海跟天朝大打一場。如果安屁所言屬實、即表示奧黑馬要將自己嘅成就建立在別人的碧血之上。安屁雖是龜蛋、但絕非蠢蛋、應該十分清楚一旦戰爭爆發、天朝對扶桑的新仇舊恨馬上浮現出來、戰場是否只局限在南海已經不能再由他和奧黑馬來決定。試想、地球上排名在第二和第三位嘅兩大經濟體系爆發戰爭勢必兩敗俱傷、而唯一得益者就是第一經濟強權地位就快不保嘅花旗。其實花旗制不住扶桑早已有跡可尋、因此奧黑馬今次使的是一條一石二鳥之計。之不過、就算是白痴仔都睇得出呢條係既挫天朝又挫扶桑嘅屎橋、試問異常狡滑嘅安屁又點會中計?事實上、係人都睇得出奧黑馬以壓制天朝為藉口不斷在亞太增兵、其中一環就是保證有足夠能力鉗制住扶桑。因此安屁擺出一副隨時為花旗跟阿爺搏老命嘅模樣、就是要抓緊花旗不讓它置身在戰事之外。不過奧黑馬向來都不是吃齋的、試問點會睇唔穿安屁嘅用心、要花旗直接跟天朝開戰談何容易?但安屁是明知到以目前自己嘅實力而言、做花旗嘅戰爭代理人對付天朝、等同將自己砍個頭埋牆無異。安屁在欲卸不能之下、惟有借助酒精嘅威力、在世人面前自揭這奸險布局、看看阿爺和奧黑馬有何反應。在這場阿爺、奧黑馬和安屁嘅三角博奕裡面各有盤算、事情進展如何乃有待觀察。不過扶桑鬼子今日不敢動天朝並不等如轉咗死性、總之倭寇「屠龍」之心不死、龍的傳人決不可掉以輕心的。

9 則留言:

  1. 做「第三者」結果會點?通常都唔會有好下場啊!

    回覆刪除
  2. 回覆
    1. 不過此馬分分鐘變身豺狼回頭咬主人嘅

      刪除
  3. 好友✬*´¨◇瞓覺豬了★。゚☾甜夢♦・゚☆晚安☁´¨- ҈ -

    回覆刪除
  4. 聰講最反對嘅係扶桑子弟兵,好多人係打份工搵餐食架咋,唔係來真架。

    回覆刪除
    回覆
    1. 其實一般平民是不望打仗的、唯獨有些死硬派是冥頑不靈的。

      刪除
  5. 我就唔相信酒後失言呢啲屎簥,重話警告報館唔可以登出嚟添!雖則話奧黑馬可以坐收漁人之利,不過一旦開戰,全世界都有影响,城門失火,炴及池魚,影响有幾大,我相信無人可以準確預測到!所以我覺得中日開戰嘅可能性好低!

    回覆刪除