七一大縮水

買大偏開小

才知上錯轎
若然香火缺
遲早逐出廟

今年七一唱反調大遊行剛剛舉行完畢、主辦單位公布有四萬八千人參加、而巡捕房則紀錄得一萬九千人。從以上兩組數字可見、今年參加遊行人數比去年急跌九成、亦是歷年來第三低水平。不過戰中廷教頭卻解釋、參加人數少並不代表市民放棄民主。冇錯、市民的確不會放棄民主、但卻會放棄自己所支持的政黨。須知到七一大遊行一向被視為是泛盟向阿爺晒肌肉、但今次卻晒燶咗自己。別看泛盟嘴頭說得硬、其實他們都不知幾擔心下次冇得留低的。

有人話、大遊行一蟹不如一蟹是反映出人們不滿泛盟否決紫改、但在下反而相信禍根其實是上次嘅「和尚打傘」運動。那一役不單只曝露出政棍嘅虛偽、同時亦給予紫荊人一記當頭棒喝。因此遊行人數大跌、極可能是市民對泛盟感到失望嘅警告。假如泛盟繼續執迷搞政治鬥爭、而罔顧民生議題嘅話、市民嘅不滿必會在未來兩次大選之中反映出來。基本上一般人是希望能夠在一個安定環境之中謀生和打造自己嘅未來、而不是終日想着政治爭鬥。原則上紫荊人在政治方面從來沒有失過些甚麼、今日人們所爭取的是從前未有過的政治權利。既然是爭取新事物、理應按部就班續啲續啲咁拿到手來才對、而不是要抱着不成功便成仁（別人的仁）嘅心態蠻幹一頓。雖知到、世界上是沒有一套最完善嘅政治制度、但卻先妥協後跟進嘅空間。在下絕不相信從政者不通此理、只怕是有人為咗向背後主子交差而不顧後果而矣！無奈紫荊城內真正能稱之為政治家的無幾人、但政棍則比比皆是。更荒謬嘅就係、總是有些為師表者不單只自己充當政治盲流、還引導自己嘅學生去盲從附和。咁你話啦、呢啲唔係犯賤又係乜呢？