自作業

寧願同閉翳

拒絕齊富貴

損人不利己

注定窮一世

據縣太爺施威講、設立科技廳是要為紫荊城工業開拓一條新出路、但飯盟卻不理三七廿一拼命刁難。日前標童盟一哥飯爺在人民公社指出、設立科技廳等同將金紫荊融入內地、目的是要拿咱家的優勢去貼人家。宮能組嘅奶缸大叔亦不視弱、他形容科技廳是電腦病毒。然而燶盟大佬雀人卻以縣府不准神童電視台掛牌為理由直指施威才是電腦病毒、仲話主機不換就會蠶食創新喎！呢嗱、相信腦袋唔係生錯位置嘅人都心知肚明、禁止神童電視台掛牌嘅並唔係施威呢個芝麻綠豆般大嘅官架啦！注於誰人才是真正嘅主機、大概唔使講出嚟啦！係嘛？換主機？咪傻啦！從以上嘅講話就聽得出、飯盟之所以拉布就是要跟施威過唔去。咁即係話、有死金紫荊死、搞垮施威就收工食幾味。明白未？

最近常聽聞己畢業嘅大學生埋怨學無所用。其實這絕對不是無病呻吟、而係反映出今日年青一代感覺自己嘅發展空間委實太過狹窄。在大歸之後縣府從未重視過創新科技這一環。紫荊城並不是沒有人才、更不是無能力發展自己嘅品牌、只是在我棄人取之下而令到人才大量流失。當年「你大」學生發明嘅「賣卡」就是一個典型例子。本地廠商看這種迷你電動房車不上眼、甚至連縣衙亦漠不關心。然而眼光獨到嘅花旗人則投入大量資金發展這款房車、結果呢部「賣卡」在歐洲多國暢銷、並獲得國際大獎殊榮、從此「賣卡」就成為花旗某公司嘅馳名品牌了！這不是自己光着身子為人作嫁衣嗎？

呢嗱、縣府為人作嫁衣都唔在講嘞、更不堪嘅就係有些具影響力嘅紫荊人不止眼光短淺、而且仲係固步自封。可不是嗎？縣府提出開設科技廳可謂亡羊補牢之舉、而且能夠為本地青年一代提供良好發展空間和增加向上流嘅機會、甚至有機會為紫荊城打造自己嘅品牌和提升國際地位。可惜有一群尊貴只管將施威鬥垮鬥臭、而不惜抹殺金紫荊嘅前途。依我睇、大學生還是不要埋怨政府的好、一日都係你哋自己「選人累己」之嘛！