2015年7月6日星期一

紅家安全法



喊打又喊殺
當然要立法
既要稱英雄
何必怕法辣

朝廷剛剛通過咗一條紅家安全法嘅法案、雖然此法並不會在紫荊城特別行企區執行、但已經令到以枝離會二頭領雀人大哥周身唔安樂、並且擔心該會頭目回鄉探親時會出事。因為枝離會開宗明義就是反對一家獨大(即係反紅)、所以雀人大哥第一時間飛身撲出來、要求法政部部長四眼猿講清楚、究竟該會頭目回鄉探親時是不是會拘捕。其實唔使問阿貴都知到、呢條紅安法是為所有反紅嘅天朝子民而設、而不是用來針對地區、但也不能排除對紫荊城是帶有特別含義的。江湖上早有傳聞指出、當紫改被否決之後阿爺就會關上與泛盟直接溝通嘅大門。換言之、還鄉者是否會被拘捕、那就要看看其人是不是阿爺邀請嘅嘉賓。那即是說、當雙方關係良好嘅時候是不會有人被捕、但在劍拔弩張嘅時候就好難講矣!

所謂食得鹹魚止得渴、既然有膽豎起「反對一家獨大」這枚旗幟、那又何必怕被拘捕?須知到在紫荊城反紅不會被捕、但並不等同踏人家鄉區也不會被捕。之不過、如果唔介意做衰仔嘅話、只要硬起心腸永不還鄉、就冇有怕啦!係嘛?呢嗱、枝離會首領鐵頭大哥就講得夠晒豪氣喇!佢話只要獲發通行證返鄉下、即使被捕也不怕。各位街坊、請你哋擘大雙眼睇清楚、呢啲先至係真正了不起嘅英雄人物吖嘛!不過咁、有些人是口講無敵、做則無力嘅一類貨色。若要了解一個人是英雄抑或狗熊、單憑其表面言行是不足夠的。例如有人在「和尚打傘」爆發之前講過、將會在紫改方案表決之後進行辭職公投。到頭來還不是縮沙了嗎?呢啲大概就叫作「此一時、彼一時」嘞。正如白姐姐話齋、信佢一成雙目失明矣!

所謂出得來行、預咗要還。因此驚者勿做、做者勿驚。試問呢個世界上那裡會有只取你拆人家檔攤、而不許人家拆你嘅骨咁着數嘅事?

10 則留言:

  1. 域兄午安 ,
    政改已否決 , 犯民都冇乜嘢好做咯 , 咁啱京城貼出城規 , 唔抽吓水搏出鏡咁咪好嘥 ?

    呢班口水佬
    講做各一套
    既然豪氣粗
    何必怕被捕

    回覆刪除
    回覆
    1. 華娃兄你好,

      飯民跟住下來定會不斷迫縣太爺重啟荒案、總之唔得班友死就是。

      上陣唔戴帽
      又怕腦生草
      人人出口術
      個個扮老土

      刪除
  2. 呢班友講野,真係聽到麻木晒。

    回覆刪除
  3. 又想威,又要戴頭盔囉!李卓仁呢啲叫戇居!重有喎,邊度會有人保証你返內地無事發生架?既然你咁驚,咁咪唔好返大陸囉!

    回覆刪除
    回覆
    1. 呢啲就係明知故問、證明有啲人真係低 B 得好緊要嘅。

      刪除
  4. 好友♦・゚☼黃昏&傍晚好喇喂*☁`。・゚゚☀快樂話咁快星期二

    回覆刪除