2015年3月9日星期一

火雞蛇貓旗



火雞壓蛇貓
當然會鬧交
兄弟變仇人
旗幟鬧雙胞

最近有報導指在江湖上興風作浪嘅「火雞蛇貓旗」是去年底由一名綽號國師的作家所寫的一編「聯邦建國論」所衍生出來、並指這個本地派組織(下稱火雞幫)嘅宗旨是不承認大歸、以及主張紫荊城脫離天朝獨立。呢嗱、這份刊物所講嘅係真唔係就不得而知、但係講到呢道就先要交代一下呢支「火雞蛇貓旗」嘅來由。目前城中有兩個不同字頭嘅本地派組織。一個是「蛇貓旗」組織(下稱蛇貓幫)、而另一個就是上述嘅火雞幫。據說兩枝旗本來是同屬蛇貓幫一家、後來由於該幫嘅笛公子和癲教頭兩大長老鬧翻而分家的。

於去年「和尚打傘」一役之中、其中火雞幫指責蛇貓幫向巡捕房告密出賣盟友、而加深彼此之間嘅仇恨。從此兩幫人便開始展開輿論戰互相攻擊對方、火雞幫揶揄笛公子開鋪為天朝銀両服務、而蛇貓幫亦指癲教頭為子投紅。由於蛇貓幫有某傳媒作為宣傳機器、所以在輿論戰上稍佔上風、例如最近一次該傳媒就直指火雞幫是紫獨組織。就係咁、兩幫人不斷互相數臭對方、究竟誰是誰非已經無從稽考、信與不信則由你來決定。之但係就有咁啱得啱橋、國師那偏「聯邦建國論」與紫大教館嘅學院舍嘅論調有不少共通之處、因此兩幫人比較好傾好講、即使將來結盟亦不會令人感到意外。

日前禮義廉大狀話此處無人搞紫獨、亦無人勾結外幫勢力。唔知佢咁講法你又信幾多成呢?

12 則留言:

  1. 牛鬼蛇神,烏煙瘴氣,互相數臭,對方的... 這個氣..

    回覆刪除
  2. 家嘈屋閉,,,,,,,再嘈,,,,,,,就家衰口不停啦!但前望不單繼續嘈,仲會再手足相殘添!!!

    回覆刪除
  3. 嗰位大狀講大話真係眼都唔眨!就喺網友酒徒嗰邊有位叫 gou rong 嘅網民,就已經鼓吹港獨喇!本土有一小攝人主張港獨係不爭嘅事實,我估唔到呢位大狀竟然無恥到話睇唔到!睇嚟佢已經政治上腦,無可藥救!

    回覆刪除
    回覆
    1. 飛獵兄、呢位大狀可以將部厚黑學倒轉來念架....

      刪除
  4. 域Sir,班友一早知道香港完全冇獨立條件,只不過班友冇嘢可做,咪拿來做騷比人睇下,蘇格蘭,魁北克有條件獨立尚且不要,香港憑什麼?

    回覆刪除
    回覆
    1. Wai 兄、有啲人為咗錢連六親都可以不認嘅、其實佢哋都係演員嚟架咋....

      刪除
  5. 域兄晚上好,
    昨日佗地派三圍攪風攪雨,大叫三反五反,見有人拉篋經過就有殺錯冇放過,即場批鬥一番,差 d 要跪埋玻璃,

    上帝若要你滅亡
    必先會令你瘋狂
    一班神雞蛇貓鬼
    言行衰過隻豺狠

    回覆刪除
    回覆
    1. 華娃兄午安,
      呢班友仔衰就唔在講架喇、更弊家伙就係有啲過路盲丙人嘈佢又嘈囉....

      人哋出口佢出手
      有好唔學學癲狗
      今日野蠻兼任性
      它朝受靶眼淚流

      刪除
  6. 反水貨客的年青學子竟然出手出腳去推撞別人,真是有失斯文。這樣使到本土的形象很差!
    表示不滿可以用標語,用聲音,何必要動手動腳哩!真是無眼睇了。

    回覆刪除
    回覆
    1. 秋葉阿姨、所謂冤有頭、債有主吖嘛!人所共知應該對這個社會問題付責嘅係紫荊縣衙、但呢幫人卻偏偏去搞外來遊客、分明係靠害多過幫忙、如果要佢哋行正道就冇戲唱架喇!

      刪除