2015年3月3日星期二

紫荊外傳



乍看似真不是真
踏上台板便上身
它朝莫怨時非爾
只怪當年自亂神

紅家會第五代總舵主正在全力捉家賊、據說被捉到嘅家賊之中包括第三代和第四代嘅重心人物。消息指、大批高級頭領夾帶私逃、並成功跑到山姆家尋求庇護、而其他中下級頭目則分散逃往外地。原來在最近十年內、外逃家賊帶走的銀両居然有十六萬億両之多。去年底紅家會喉舌揭露總舵亦擁有一份紫荊堂家賊名單、並聲稱必要時會把名單公開。雖然消息傳出之後、曾經在城中引起一陣恐慌、但有權威人士指出、只要有關人等不再搗亂、以及在適當時候引退嘅話、總舵未必會公開名單。

據說紫荊聚義廳云云諸公裡面、不乏第三代暗樁。當人們皆認定聚義廳裡面某些人是山姆家二五仔嘅時候、第三代人馬已經跟城中五家八會聯手在聚義廳布置暗樁之外、並透過依莉沙拔家族嘅關係、成功在紫荊堂領導層安插自己友左右大局、並且將弓幫和扶靈幫暗中收為己用。雖然弓幫嘅地位在八大幫之中並非最高、但勝在勢力範圍覆蓋全城街頭巷尾、茶樓酒館、卸貨碼頭等地、而扶靈幫就是綠林道上嘅老大哥、自然具有一呼百和嘅本領、因此這兩個幫會確實好使好用架!

據財經界嘅朋友講、其實在去年年底那場「風捲殘年」一役之中、已經有不少大勞家透過不同方式、靜悄悄的將自己嘅根據地遷移到其它地頭、只是人們當時嘅注意力都被那場風暴所吸引而矣!有位知情人透露、反盟之所以極力反對紫荊堂改革通過、原來就是害怕下任新堂主有了認受性之後會將他們比下去、到時不獨只輸人、甚至勢都可能會輸掉。之不過、由於總舵企硬、反盟死硬派寧願一拍兩散都不妥協、但較溫和的幫派則不願就此被人拖去墊屍底。目前反盟嘅分裂狀態已經掩不住、到時可能會有人倒伐都未定。但結果係點、就要到時才知到。

我曾經聽過一位過來人講過、在這個世界上早已不再存在意識形態這回事、人們之所以熱炒這類問題、一切皆為利益所然。然而卻有人盲目追隨、以致弄得焦頭爛額、當他們醒覺嘅時候、人家早已上岸、而自己就繼續浮沉於苦海之中。

13 則留言:

  1. 域Sir,以前朱總理講過,買定十副棺材,九副留比貪官,一副留比自己,咁多貪官殺得幾多,共產黨貪腐已久,見惯啦。
    今日黃國英說大量老表去日本搶貨,因為老表自己產的嘢多是流嘢,假嘢,食得又假,唔食得又假。

    回覆刪除
    回覆
    1. ng Wai / 域兄晚上好,
      朱鎔基是個好人,是個清官,但好人與清官並不一定是好總理。
      朱鎔基總理不是立下毒誓: " 我準備了100 副棺材,99 副裝貪官,剩下一副準備留給自己"。結果怎樣呢?
      朱總理在任其間只對遠華集團走私主腦賴昌星作過行動外,裝貪官的 99 副棺材有用過一副嗎? 難道老人家看不見陳良宇、薄熙來、周永康等巨貪嗎?或是自知能力有限而不敢用其 99 副棺材?
















      刪除
    2. Wai 兄、華娃兄、大家好、當貪污大行其道嘅時候就即係大有大貪、細有細貪、正所謂無官不貪吖嘛!要產除佢他不如將自己揩埋好過嘞。今次朝廷打老虎及係前所未有嘅、雖則如此、但係老虎打極也打不完。聽講、萬一唔小心、仲會被咬翻轉頭。莫講話一百副棺材唔夠用、即使一萬副都仲差好遠。呢嗱、今日縱容水貨泛濫同樣係咁危險。只係太多人財迷之窮而睇唔到而矣!

      刪除
  2. 域兄說得隱晦,末段小的也不明解。所謂家賊難防,如果掌有通番賣國者的罪證,那就好辦了。
    希望以後太平安樂,有平穩的日子吧。

    回覆刪除
    回覆
    1. 秋葉阿姨、太平安樂、平穩日子對今天的人們來說、也許只是奢望呢!

      刪除
  3. 嘩! 16 萬億, 我連想像都唔識.

    回覆刪除
    回覆
    1. 即使是一個國家都未必能夠擁有這麼大筆儲備、咱家天朝嘅外匯儲備都只不過是30萬億左右之嘛!

      刪除
  4. 哈哈! 還是這句最精警: 沒有最貪,還有更貪! 難道從政是為人民服務? 為大眾爭取正義? 信政客一成,分分鐘雙目失明!

    回覆刪除
    回覆
    1. 哈哈、所以當今天下確實有好多人係為人民「幣」服務架!

      刪除
  5. 總之就是:動魄驚心、神鬼難分

    回覆刪除
  6. 唔清除敵對的貪官
    邊有空間留比親信

    回覆刪除