2015年3月13日星期五

屎坑橋



你玩神仙跳
我送屎坑橋
看誰好手段
一試便知曉

昨日大教館嘅民調大教頭忽然轉死性、向紫府獻計就紫改來一次全民表決、不過一向鼓吹公投嘅反盟頭領涼茶大狀居然反對。由此可見、以目前形勢對反盟而言、係絕對唔適合就紫改搞全民表決。因為連盲嗰個都睇得出市民已經厭倦政治爭鬥、而主流民意亦較傾向接受方案。換言之、民調大教頭明知到輸硬都要提出來搞、如果我話當中冇蠱惑你都唔信啦!係嘛?

其實反盟明知到死雞撐飯蓋係唔可以再撐得幾耐、因為佢哋比誰都清楚絕對冇違反民意嘅本錢。經過「和尚打傘」一役嘅慘痛教訓之後、不少反盟擁躉已經重新考量、他們未必會支持眷制、但卻意識到紫改確實須要循序漸進。反盟當然也十分清楚形勢上嘅轉變、只係佢哋更明白在此時作出妥協、即係承認「和尚打傘」係錯嘅、亦即係話承認自己累街坊吖嘛!試問咁搞法與自殺有何分別?幸好某日當民調大教頭在如廁期間忽然靈感湧現、想出一條既可以為反盟找下台階、亦可以打開全民表決開先河嘅屎坑橋氹紫府落叠。反盟當然很清楚若在全民表決勝出就一天都光晒、即使今次真係躀一鋪亦係事小、日後擁有全民表決嘅先例可循則事大吖嘛!講到呢度、相信唔使問阿貴都知到、這條屎坑橋係明益反盟架啦!之但係、橫睇、掂睇、左睇、右睇、無論點睇、阿爺都唔似係食齋嘅喎!唔通佢咁都會答應乎?

12 則留言:

  1. 做下民調就會,喺亞爺眼中,你咪反到尾囉,雖然係唔想,不過紫荊人要自殘,就算五勞七傷,都未至於會傷到亞爺入肉,你估仲係十幾廿年前咁要靠你地咩,咪等你地自己受返教訓囉,亞爺就繼續被啲噪音吵耳啫。又政治嘅野五時花六時變,反盟喺咁嘅形勢,總會有橋嘅。

    回覆刪除
    回覆
    1. 江湖傳聞、反盟不獨只並冇意思求和、而且正在部署一次更大規模嘅「佔據」行動。

      刪除
  2. 阿爺依家打緊老虎,且愈打愈大,兇險亦愈來愈多,邊有閒情兼顧香港事務?

    呢個涼茶大狀已經走火入魔,曾喺公開場合話香城無人倡議港獨,睇吓咁多港獨雞鳳旗,已經知佢擘大眼講大話喇!

    回覆刪除
    回覆
    1. 所謂人各有志、呢位大狀可以為自己嘅理想做到個心「x」成咁、都算係傑出人才嚟架....

      刪除
  3. 無把握嘅仗
    阿爺係唔會打嘅

    回覆刪除
    回覆
    1. 對、阿爺時常講、唔單只要打仗、仲要打贏仗....

      刪除
  4. 而家都冇屎坑,仲邊度有橋 吖!

    回覆刪除
    回覆
    1. 據說民調大教頭家中設置既係踎式坑廁嚟架....

      刪除
  5. 域 Sir,只有心智未成熟的人才會相信共產黨食齋嘅,有邊個見過共產黨妥協讓步的請舉手?

    回覆刪除
    回覆
    1. Wai 兄、你講得對、可惜今日嘅紫荊城有太多思維混亂嘅人....

      刪除