紊亂中的博奕

嗒落味生津

亂得夠勻循

你具降魔棒

我有風火輪

有人向紅家會總舵告密、投訴紫荊保安隊未盡全力去對付反水黨、令到入城辦貨嘅個體戶數目銳減、以致城中各個大戶小戶均蒙受巨大損失。雖然總舵曾經派遣密使南下了解情況、但之後並無任何跟進動作。於是有人借用總舵嘅平台發動一輸輿論攻勢、矛頭指向即將退出江湖嘅紫荊保安大隊長家英哥不盡力去保障到訪商客。事隔幾天之後紫荊堂揸拂人施威公開對家英哥歌功頌德、此舉都可謂大出眾人預料之外。有消息指這次是總舵就某人對家英哥指控作出明確立場。假如傳聞屬實嘅話、那即是說那些來說是非者已被總舵視作為是非人。紫荊堂有消息傳出、家英哥翻閱過他初入行時讀過的那部「保安十八鋤」天書、發現其中的一條「三人成眾罪」好使好用、於是吩咐手下在必要時就拿出來將反水黨班友仔鋤到頭暈眼花為止。照咁睇嚟、一向馴如羔羊嘅保安隊可能會化身為怒目金剛、到時倒反水黨就冇可能再玩得咁輕鬆矣！

江湖上早已盛傳、大戶侵吞地頭蛇在邊疆的利益、目前兩幫人正在處於明爭暗鬥之中、而紫荊堂嘅地頭就成為他們的殺戮戰場。如此一來便令施威這個堂主面目無光、還給予人一個口講無敵、行之無力嘅印象。曾經領教過這兩路人馬高招嘅施威當然戰戰兢兢不敢莽動、即使作為保安大隊長嘅家英哥遇上一些不甚明確嘅情況之時都要多睇幾眼、避免差錯腳誤踩米田共。但勢難想到、連小心一些都會被人告一狀。有消息指、其實總舵對於紫荊堂轄區內某些勢力集團早就看不順眼、但由於總舵主目前正在處身於一場關乎到紅家會在未來數十年興衰嘅世紀大博奕之中、而對手又是山姆大叔、所以暫時對紫城發生嘅事裝聾扮啞。所謂趁佢病時攞佢命、近日反盟派遣一個以七人代表團飛往寶島、向與山姆大叔有特殊關係嘅紅衣老祖日月德施討教、恐怕唔使幾耐、紫荊城又會被捲入另一場惡鬥之中矣！