誠能服眾

一幅無形布

遮蓋整盤數

大話冇將來

維穩需公道

近日有報導指出、跟據屢發廳和守城部提供數字顯示、舊年入城嘅訪客約為4720萬人次、當中大約有3133萬人次是「過引遊」訪客、旅客為紫荊城帶來消費高達3582億両銀子。資料顯示、每日以「一天多行」入城多過2次嘅訪客約為3900人次、在守城部監察名單內、大約有13500人涉嫌從事水貨活動、而去年被拒絕進入本城嘅涉嫌水客約為29000人次、佔訪客總數不足1%。呢嗱、淨係睇訪客為本城帶來3582億両銀子收入、就夠晒和味啦！係嘛？

講開又講、在守城部提供的資料裡面、並無提及那群人如蟻隊嘅本地水客數字。究竟係守城部報漏、抑或有其它原因就不得而知。不過連街頭嘅三姑、巷尾嘅六嬸都知到已經有好多街坊加入螞蟻水貨兵團、但守城部連提都冇提起就難免令人有所質疑。我諗唔應該係有心之失嚟啩！係嘛？現在有人提出以減少「一天多行」作為條件、去換取增加「過引遊」配額。嗱嗱嗱、有錢搵梗係好啦、不過呢劑嘢可能係糖衣毒藥都未定。削減「一天多行」確實能夠將總入城人數不足1%嘅冧鎮水貨客減少、但係本地嘅螞蟻水貨兵團絕對可以代其勞吖嘛、假若在此時再增加「過引遊」入城人次嘅話、豈非捉蟲？

無論點講都好、目前紫荊城嘅亂像的確係因水貨活動而起、要解決問題就要抓緊問題核心、而不應只針對家鄉水客、更加不應任由兩地民眾互相仇視。相信大眾都心中有數、只有實事求是才能化危為機。問題係、究竟縣府以甚麼態度去對代這個問題而矣！