陰謀論 之 兄弟幫

一窟餓鬼充英雄

指天篤地喊屠龍

終於遇上神仙跳

累得英雄變狗熊

呢 個世界真係無奇不有、明明係「玩轉手拉車」吖嘛、但係班反丁居然會驚死冇人知佢哋想造反咁、高舉那枝發了霉嘅過氣埠旗招搖過市。咁搞法不獨只得不到被迫食 貴米嘅大眾認同、還免費為正方提供一個口誅筆伐嘅平台。現在問題係、點解呢班友仔唔驟忌唔做、係都要搞啲唔等使嘅嘢出來惹人話柄？仲有呀、上次「和尚打 傘」一役反方落得慘淡收場唔在講、最大鑊嘅就係在事後集體形象大插水、而且仲越嚟越唔得人鍾意。究竟點會搞成咁嘅呢？我就唔曉解讀嘞、不如聽聽陰謀論專家X君點講啦！

據X君 話、由於正方組織多年來被反方無間道滲透和搗鬼、所以事事都被反方早一步牽制住、例如早年前「煲廿三味」一役、根本上連火都未點着就爆咗個煲、就係咁搞到 總廚都冇得撈、後來正方又想向街坊提供「索聞咬肉」、點知嚿肉又被人快一步搞臭咗、結果又係食唔成、總言之就係做鬼都唔靈。有見及此、正方惟有暗中組織一 群形象鮮明嘅兄弟幫、全力去幫反方兄弟嘅忙。兄弟幫嘅主要任務就是幫兄弟、而且必須越幫越忙、越忙越幫、幫到人家躀底為止。這幫人不獨只滲透在反方組織裡 面、同時亦滲透在正方自已嘅組織裡面。X君指出、在上次「和尚打傘」之所以不得善終、都係全靠兄弟幫落足力去幫兄弟所致。目前兄弟幫又群起在「玩轉手拉車」之中全力以赴、總之就係越幫越忙、越忙越幫、相信唔使幾耐又會再下一城矣！X君還大膽斷言、以目前形勢看來、反方簡直是聲名狼藉、無論佢哋把嘴有多硬、總之必定有人倒伐、而正方定下嘅指標一定能夠達成。吓、唔知真定假？睇吓咪知囉！