人人得而插之

黃亂揚開檔爛攤

人之本善盡玩殘

八面鋒芒無一是

以非為是冚家奸

呢嗱、近日戇癡瘋在一個支持同志言討會碰上他的老爸（反同志組吹雞人）戇佬鳴。在討論其間、痴瘋多次直呼其父名字、以及指責他唔止剝削同志結婚和入住燶屋嘅機會、甚至連同志爭取配偶骨灰龕位嘅權利都要抹殺、實在係令人乜乜。嗱、正當戇家嘅親朋戚友大罵痴瘋反骨之際、佢條㕲嘴居然跑到架仔屋企（倭家）參加反宗屠龍大會、仲話唔會嘥咗花大叔送畀佢黃遮嘅一番期望、定會繼續宏揚逢宗必反嘅精神喎！此子認花大叔做契老竇、認事頭婆做契老母都唔在講嘞、現在竟然跑去“曾經毀龍族家園、殺龍族同胞而不認賬”嘅倭家、趴低𦧲住要做安屁嘅契弟、都可謂“貝戔九木各”到極咯。戇家出咗呢個二五仔、都可謂家門之大幸矣！

昨晚在榕樹頭聽講古佬倭軍陳講“看更列傳”時得知、花大叔出錢出力栽培痴瘋已經多年、滿以為佢可以繼承快將摺埋嘅老看更簽名李嘅遺志、而成為新一代小看更。殊不知此子爛泥扶唔上壁、除咗呃吓細路哥、𧨾下妙齡少女之外則一無是處。講到嘩眾、佢做足。若論取寵、卻無能。自從黃亂之後、痴瘋嘅名氣一路下滑、佢嘅風頭唔止被半文錢嘅六萬奇、以及橫兜之子豬八萬蓋過、甚至連一直跟着他後面跑嘅𤓓三七今日亦走在他的前頭。咁你話嘞、如果你係贊助人、你仲會唔會繼續在一條廢柴身上白花銀両？痴瘋見勢色唔對、便跑去求皮佬𡅏向花家老大喪譜替佢講幾句好話。點不知、皮佬𡅏連喪譜個影都見不到、只能在其家丁面前投其所好例行唱衰金紫荊一番、兼伸長條脷舐完一輪鞋頭之後就鬆人。痴瘋見此計不成、便跑去花大叔在東北亞所養嘅一條門口狗個狗竇（倭家）趴低𠼮倭首安屁做契哥、希望契弟憑契兄之貴而取得喪譜認同和繼續出糧畀佢。嗱、身為痴瘋老爸嘅戇佬鳴有子如此、都可謂光宗耀祖了吧！喔、咪住、在下必須收回剛才那句話。原因係、戇氏一門逢宗必反、絕不可能做出光宗耀祖之事。因此應改稱之為反宗滅祖較為妥帖一些矣！