2017年5月10日星期三

妖蜓預告



妖蜓死不僵
最叻係中傷
行前播陰毒
背後有雞𡁷

反盟軍師大妖蜓近日又有新搞作、並大言不慚的說、將會在下屆細圈選委會奪取超過50%議席。嗱、咁講法即係話明、反盟是打着民主旗號騙取街坊支持、而佢哋就闖入其口中嘅特權小圈子裡面搵着數。在下並無亂噏廿四架、反盟嘴巴一直唱衰細圈、但在參與方面卻比誰都來得更加踴躍。上次在揸拂堂香主擂台爭霸戰推出嘅「皂王計劃」如是、今次嘅「未本預告」亦如是。但單憑反盟嘅力量、莫講話不足以在細圈奮取愈半數凳仔、就算要踏入人家門口、恐怕也要先睇吓亂制派嘅面色啦!係嘛?!大妖蜓今次咁大口氣、究竟嘅底氣是從何而來的呢?

事實上、細圈是經過紅家會深思熟慮而設計出來嘅一道屏障、外人想攻破實在比登天更難。除非有內應打龍通、否則絕無機會。從廿三兜臨門一腳塌Q、角教胎死腹中等事件看來、細圈內嘅牆頭草影響力絕對不可小覷。如無猜錯的話、大妖廷是以細圈牆頭草代言人身份放話警告總舵主、別嘗試將新任香主當作扯線公仔、否則在下屆香主擂台爭霸戰決不會再讓步。由此可見牆頭草跟總舵之間嘅博奕從來沒有停止過、而大妖廷亦只不過是大博奕裡面其中一枚棋子而矣!雖然總舵早知到細圈有牆頭草嘅存在、但絕不會將之拔除、反而要好好利用。原因係、牆頭草是擔當着紅家會與番邦之間的一條不可或缺嘅另類溝通渠道。在各取所得嘅現實情況之下、牆頭草在本城政治層面自然擁有某程度上嘅話語權、否則區區反盟又憑啥去跟紅家會在政治場上角力?只要明白箇中道理、就知到政治係幾咁污糟邋遢架喇!所以話啫、城中日吵夜吵、為的並不是民主、而係為既得利益集團做咗爛頭卒而不自知。否則、點會話吵足廿載、吵到社會分裂、吵到自己唔開心、但偏偏就是吵不出民主成就來?究竟人們還要墮落到啥田地才會明白?

19 則留言:

  1. 我喜歡你呢金句「但偏偏就是吵不出民主成就來?」

    回覆刪除
  2. 好友☁。゚🌙瞓覺囉🌜甜夢安睡🌛💤

    回覆刪除
  3. 那些牆頭草背後,或許是有些紅花會的人?中國人就最喜歡自己人互片!

    回覆刪除
  4. 域 Sir,真係冇錯,攪來攪去得個嘈字。

    回覆刪除
    回覆
    1. 如果班友唔噓、就唔知到靠乜嘢搵食架喇!

      刪除
  5. 局外人睇, 佢地同阿爺係對立, 但實際上, 係有計傾, 甚至可能有秘密協議在其中.

    回覆刪除
    回覆
    1. 凡是政棍都跟主家頭有偈傾、只係外面班人唔知到之嘛!

      刪除
  6. 人不為己, 天誅地滅, 政壇就更加係利益分配場地。
    只有傻仔傻女, 幫人搖旗吶喊。
    出人頭地嘅, 全部都識得去攞著數。

    回覆刪除
  7. 妖言惑眾冇陰功
    攪垮香城似亂堆
    注資民調大把水
    派些錢財去擋灰

    回覆刪除
    回覆
    1. 妖蜓腦血沖
      屎坑作皇宮
      為人心險惡
      遲早褲穿窿

      刪除
    2. 域sir午安! 兄台的時事打油詩真是一絕!令人嘆為觀止,看得人發噱哈哈笑哩!
      今次選播嫻妹的飄雪,充滿詩情畫意! 這首也我的飲歌,聽聽也是一樂也!可以減卻戾氣了。


      刪除
  8. 因為政治上腦,所以咪咁大口氣囉!

    回覆刪除