結構真係冇問題？

呢群瞀里太狼胎

掠水掠到上神台

貪到神憎鬼亦厭

紫城不幸嘆哀哉

一波三折嘅講豬馬大檢近日又出事了！據青天部透露、已經有十多廿名涉嫌偽造大橋石屎結構報告嘅人士被捕。揸拂堂代表亦發出聲明、聲稱已經仔細檢驗過大橋結構、證實大橋結構是符合安全標準嘅喎！但在下聽完之後就越諗越驚、人家青天部呢頭公布拉人、嗰頭揸拂堂唔止話此事與承辦商和監察部門無連、仲話大橋結構並無安全性問題。話口未完就有些甚麼專家學者等人跳出來講、打石屎槍抽查石屎硬道是靠得住的。喂、阿哥、除咗測試石屎硬度之外、還要查驗剛根嘅數目是否不足和粗幼是否達標、才能算得上是符合安全架！知冇？坦白講、如果冇人喺呢單嘢裡面“吞金滅餸”嘅話、嗰班友又使乜咁冒險造假賬？但願呢單嘢只屬偷工而非減料、如兩者都係嘅話、咁就大件事矣！

眾所周知、建造速龍機乎係免不得建造高架鐵路、所以講豬馬大橋可以講得上係在呢方面嘅示範單位嚟、絕不能讓人為錯誤而有所閃失的。萬一呢條大橋嘅安全性出現三長兩短嘅話、唔淨止係本城聲譽掃地、連龍族嘅公信力和製造速龍嘅能力等全都會受到負面牽連、甚至會陀衰埋「新思之路」這項全球性計劃、到時龍的復興就會遇上大災難矣！

陰謀論界早已廣為流傳、當今世上將「新思之路」視為眼中釘的只有架仔和花大叔。陰謀論界普遍認為、架仔必定會針對紅家會在世界各地承辦嘅所有具代表性工程進行大整蠱、總之任何一處出現不測都是他們樂見的。事實上、在過去幾年裡面、每當龍族代表與別家斟完生意雙腳剛踏出門檻時、架仔隻腳就伸進去搞破壞。還好的是、架仔在大多數時候都只能小人枉作。因此、架仔惟有盡其用本傷人之能事、能頂難市就頂、不能頂就收買二五仔搞破壞。究竟今次嘅講豬馬大橋事件是否與此有關、那就只有天曉得。但俗語都有講啦、唔怕一萬、最怕萬一、所以都係穩陣啲、檢查清楚啲、必要時拆之再起、所為長痛不如短痛吖嘛！係冇？