犯賤

垃圾扮花妲

睇到眼坦坦

無事喊柴台

遲早冚包散

早幾日前、有數十名聲稱是來自“珍惜晨早”嘅示威者、集體在垃圾堂大門外示威、抗議垃圾尊貴白鴨桃周不時窒頭窒勢打壓捕快權責、並將“姦劫疑犯在臭格掛蠟鴨”單畸屎與捕快搜身權被打壓拉到因果層面之上去、然後又再跑到巡捕房門外抗議總捕頭no way沖領導無方、搞到班捕快做起嘢嚟人人捋手捋腳、個個驚死上身、以致程序甩漏益疑犯。按此情形看來、珍惜晨早班人似乎係有一箭射雙鵰之意喎！

呢嗱、珍惜晨早班人將“白鴨桃打壓捕快權責與姦劫疑犯掛蠟鴨”混為一談合理與否、相信大家已經心中有數。之但係“警到用時嫌力少、與之對立恨權強”確實係符合反盟一貫嘅輸打贏要作風。今日罪惡城嘅一切機乎都被政治扭曲、人們開始嘗到有政治無道義嘅滋味。坦白講、無論是唱衰捕快、抑或是擁護捕快、都係唔正常嘅。因為捕快必須“跳出爭拗外、不在鬥爭中”公平執法嘅精神才能夠得以發揮。當下嘅情況就係、有一班人不斷唱衰和抹黑捕快、而另一班人則熱烈支持和擁護捕快。咁你話嘞、我哋嘅社會係咪太過反智？政棍刻意將捕快推到對立面去、又或是把捕快拉攏到自己嘅一邊來、究竟居心何在？心水清嘅人一眼睇穿、係有人立心要加劇社會矛盾和分化、以鞏固其個人政治地位。事實上、政棍亦只有在混亂境界裡面、才能夠凸顯其價值所在。也許有人質疑、既然政治呢家嘢係污糟邋遢到咁嘅地步、點解仲會有咁多紫荊人願意舂個頭埋去玩呢個劣質嘅遊戲呢？答案其實係好簡單、那就是無憂米食厭咗、平炎日子過厭咗、惟有以身犯賤去尋求新鮮嘅剌激感覺囉！依我睇、佢哋就快過足癮架喇！大眾拭目以待吧！