2017年5月12日星期五

由馬蛟城被讚講起



你既開言我聽之
全心造反懶修辭
今日馬城終獲讚
紫城往後眾皆輸

日前紅家會三當家(紅老三)雙失江南下馬蛟城、高度肯定「落實廿三兜、落實龍的教育、落實行企主導」三大方面嘅成績、並讚揚香主吹水安領導有方、使得馬蛟堂業務蒸蒸日上。嗱、咪話在下又危言聳聽。在逢宗必反嘅角度嚟睇、馬蛟城被紅家會肯定等同民主大災難。但無論如何、花大叔係唔會為馬蛟城呢個曾經被葡撻佬(與花家無𠸎𠹌)佔據過嘅地頭而浪費資源、但會全力栽培米旗佬(與花家有血緣關係)曾經擁有過嘅地頭紫荊城。究竟這反映出些甚麼來呢?講穿咗、無非是紫荊城潛藏着嘅反紅勢力並唔係馬蛟城所能及的、與民主不民主基本上毫無關係。講得白一些、即係話民主是假的、反紅才是真的。

眾所周知、花大叔是依靠出售兵器、徵收保護費、開發它方資源、並以軍事、政治、經濟、科技等各式各樣手段控制着大半個地球。在衰聯未解體之前、地球上是由話沙公約和不大西洋公約兩大集團平分春色的。但在話約瓦解之後、不約唔止冇解散、反而吸納更多新成員。原因就係要對付地球上第三個集體勢力勾盟。因為勾盟一日唔瓦解、花大叔一日都不能將勾洲完全控制於掌中。當前只有勾盟和紅家會才是花大叔掌控全球最大嘅絆腳石。因此花家既要力圖勾盟瓦解、亦要阻止東方巨龍起飛。米旗脫勾只屬序幕、隨之而來必定是飛洲戰火重燃、為勾盟炮製難民壓力、並加速其瓦解。花大叔搞男海猶如老鼠拉龜、完全冇着力點、惟有利用朝仙狂人肥仔恩為總舵主製造麻煩。當下花大叔和總舵主嘅博奕正在僵持不下之際、紫荊城呢隻棋子嘅利用價值就獲得提升。切勿當港毒人馬跑到抬島、扶桑、天竺、花奇等地與台毒、藏毒、川毒等集團會面、只係做show咁做。其實佢哋係奉命去擴大自己嘅盟友圈子。因為將紫荊城跟反派、毒派、牆頭草派、三工幫、以及番邦等反紅勢力串聯在一起、對於花大叔嚟講係有利而冇害的。講到馬蛟城喇喎、話之佢民主減絕、對於花大叔嚟講、根本上不值一哂嘅。係嘛?!

22 則留言:

  1. 我諗大張旗鼓讚馬交都冇用,嗰哋班反對派又點會去理,其實最佳辦法就係,大大針對和削弱嗰班友仔嘅利益,咁就或會跟紅家妥協!

    回覆刪除
    回覆
    1. 我想、紅家會嘅講話對象並非一般蟻民、而係警告那群摱車邊嘅「假架忌冷」別玩得太過份而矣!

      刪除
  2. 花家狂人似乎唔想等太耐,要趁早收割,因為佢個位都有D危危乎。
    與其長時間花大氣力打壓紅家,不如在短時間內齊齊獲利,咁先係佢嘅最大利益。
    紫荊城嘅棋子當然有價值,會唔會被賣,就要放長眼睇喇,不過我估紅家唔肯出高價去買啫。

    回覆刪除
    回覆
    1. 對呀、喪普是個無孔不入嘅生意佬、佢眼中大概只有銀両而矣!

      刪除
  3. 「話民主是假的、反紅才是真的。」一直都係咁話啦!

    回覆刪除
  4. 好友☁是時候瞓覺🌜甜夢🌛💤
    ✨我還要早睡早起🌟去睇神公🌙

    回覆刪除
  5. 馬交係搞得好過康港嘅,佢地人品冇咁複雜,又聽話啲。花旗佬幾時都望紅家會衰,想創心啦。

    回覆刪除
    回覆
    1. 打從花奇、架仔、勾盟所存白種人齊齊違反「細貿」規定、拒絕承認天朝嘅自由貿易國地位看來、白種人既要靠紅家關照度過經濟難關、但又怕黃面佬擁有太大話語權。因此矛盾是永遠存在的。

      刪除
  6. 域Sir,亞爺讃馬交是有原因,馬交識做幾乎將香港所有反紅的人都拒之門外,花旗佬不是不想攪,可惜如老鼠拉龜,咪只有靠香港呢班如痴瘋的 on 9 仔咯。

    回覆刪除
    回覆
    1. 對的、由於馬蛟人比較喜歡食葡撻多過食家鄉雞、所以家鄉雞銷量是不及紫城的。

      刪除
  7. 其實紫荊城在紅家會南方有著舉足輕重的作用, 紫荊城一震動, 紅家會南方就會震動, 不能不妥善處理紫荊城的反派力量. 所以, 馬蛟城只是對紫荊城的一個示範作用, 雙失江這番話, 不是對紫荊城反派說的, 而是對紫荊城的保皇派說, 說忚們做事不夠盡心盡力, 不能為阿爺分憂解困.

    回覆刪除
    回覆
    1. JJ兄、你所講的就是整件事嘅重心了!在下也有同感呢!

      刪除
  8. 馬蛟城在99年回歸之前,曾被黑幫攬到一團糟,近這些年來靠著增加了的娛樂賭業而繁榮安定,當然比之我們要好!
    自從神燈選擇在紫荊城洩密,激怒了花旗國之後,康港就冇運行架啦。

    回覆刪除
    回覆
    1. 馬蚊揸拂堂之所以能夠硬橋硬馬對付黑幫勢力、是因為不曾受到過政棍阻撓吖嘛!

      刪除
  9. 我覺得紅家會南下的當家,大部份都視野狹隘,是否真的代表中央意見?我存疑點。故此,佢哋所講的評論,無需理會,佢哋周不時讚馬交,只不過係想借機踩香城咁解啫!

    回覆刪除
    回覆
    1. 江湖流傳、雙失江在紫荊城「香主擂台大賽」跣親扭傷腳、是否會因傷退下來就要等到今年秋後才知到結果。所以佢今日講嘅話是否具代表性、則見仁見智矣!

      刪除
  10. 香城點同人比?點解馬交城大部分嘅人都唔鍾意講政治,因為生活冇我哋咁迫人,根本就唔需要理其他嘢……

    回覆刪除
    回覆
    1. 馬蛟揸拂堂年年向蟻民派銀両、而紫荊人就越挨越看不見明天。真係冇得比嘅!

      刪除
  11. 開言我聽之 造反懶修辭
    馬城終獲讚 康港眾皆輸

    回覆刪除