盲巫講瞎話

呢鋪搞正邪

兜圈鬧阿爺

全盤大否決

笑中放毒蛇

日前從大圈來嘅兩名所謂歸本法專家嘅學棍、天蜚隆和亡命徒、公開在本城管治和政策上指手劃腳。綜合兩人所講、大概係：（一）候任香主應該靈活地去跟總舵主捉棋；（二）紅家會必放棄行政主導、而轉向重視垃圾堂和公堂；（三）不要偏聽架忌冷講話、多聽垃圾尊貴和判官意見；（四）不應將支持依法施政視作為支持香主施政；（五）不應依賴香主推行政策來凸顯紅家會嘅存在；（六）紅家會應該定下準則、防止“識法”被濫用；（七）無須要洗年輕人個腦、而係要令到佢哋自動自覺去認識大圈。

呢嗱、唔知各位街坊對上面兩位學棍所講嘅嘢有何睇法、但在下就覺得全屬狗屁不通的。因為佢哋所講嘅話、明顯是兜個圈一面倒的全盤否定紅家會對紫荊城實施嘅政策。此兩人根本上未弄清楚、究竟是誰不願聽誰講話、誰不願跟誰接觸、就一口咬定是紅家會偏聽。睇嚟、佢哋似乎係唔知到、某些幫派係以㒼主反紅、㒼主拒紅、甚至反紅獨立為己任。那些幫派之所以在幫規之中刪除上述字眼、無非是為着方便幫眾去參加垃圾尊貴選舉、並唔係在本質上有所改變。情況已經很清楚、反盟幫會與紅家會之間最大障礙就係、彼此之間嘅意識形態勢成水火。即使紅家會願意趴低𠼮契哥、人家都懶得睬佢嘅。講到洗腦呢家嘢、今日嘅紫荊城固若金湯、莫講話廿三條臨門躀底、即使是國教亦進不了門來。因為洗腦早就已經有人代勞、無須勞動紅家會來做。坦白講、要減輕青少年對紅家會嘅“莫明”敵意已經比登天更難、要令佢哋主動去認識大圈就更加係天方夜談。講到“重視”呢家嘢、跟談戀愛一樣。兩方情投意合、則一拍即合。若是神女有心而襄王無夢者、亦只係自作多情。若然一方徹底讓步、而另一方卻依然不變、呢啲唔係讓步、而係自掘墳墓。如果咁都去做、只能說是死有餘辜。