反盟又衰一鑊

三百豭呀三百豭

眾家陪你笑哈哈

哈哈笑完無所以

猶如水月鏡中花

呢個世界上、但凡曉得拿起雙筷子夾餸耙飯嘅人、都唔係懵到人家話米田共係香嘅就去食、但有種人編編自以為是般的、把所有人當係懵嘅咁玩弄於指掌之間、可惜到頭來還是事與願違。江湖上人稱反盟毒藥嘅大妖蜓從花家御用嘅鞍可製作公司拿得一份專為香主候選人抓錢華度身訂造嘅三百豭（下稱豬公三百）嘅計畫、並以一百萬人簽名撐抓錢華為基礎、企圖利用龐大民意去迫使總舵主委任他為下一屆紫荊分舵香主。不過可惜吖、在截止時任佢哋噏都係緊得六萬五左右、距離百萬相差九十幾條街咁遠。難怪幕後大金主喪普立即派遣上次有份策動戰中嘅（駐本城花家會館前揸拂人）夏蝙蝠重臨本城督戰啦！

按即豬公三百計畫失敗嘅情況看來、反盟嘅“挾民意以令總舵”做法是行不通的。雖然皮佬𡅏日前公開撒賴、指責烏大官係紅家會派到反盟鎅抓錢華票嘅臥底、但反盟辦事不力嘅罪名係點都推唔甩的。由此可見、反盟是太過高估自己嘅愚民手段、才會集體在豬公三百計畫裡面踩屎。坦白講、一個明明被反盟彈足十年廢柴嘅人物、又點可能一下子就變成萬人擁戴嘅超級巨星？所謂前車可鑒、經過戰中一役嘅慘痛教訓之後、好多人都學精咗架喇！雖則皮佬𡅏下令旗下平歌擘口團日日不停的唱黃打紅、使得一眾政治盲流如痴如醉般的盲從附和、但再也騙不到清醒嘅街坊大眾咯！因此、無論大妖蜓嘅妖術有幾厲害都迷惑不了清醒之人、所以豬公三百衰收尾是合理不過的。之但係、如果閣下以為反盟就此輸定嘅話、肯定係大錯特錯。因為後面還有五世家、十三會、十八塞嘅人馬是足以影響大局的。以目前唔勢態看來、誰勝誰敗難料。不過從花大叔這類一向擅於以刀仔鋸大樹嘅典型人物看來、若然此道不通、極其量只係拍吓個羅友便走。相反、如果艱苦經營分舵嘅紅家會在此戰遭遇滑鐵盧嘅話、那麼紫荊人須要付出嘅後繼代價、並唔係每個人都吃得消的。信不信由你咯！