由爛民之亂講起

爛民作案勢難收

你發達時我擔憂

這個年頭真渾賬

公然造假更倒流

日前聽聞三叔公講：“目下罪惡城政治混亂、民生打倒蹆、好彩奀仔都算撈得幾掂、否則就真係日子難過矣！”唉、梗係啦！三叔公今日之所以能夠食燒鵝肶、嘆拔蘭地、得閒曬吓命、街坊共捉棋、生活寫意成咁、都係全靠佢個寶貝狀師兒子做南亞假難民（下稱爛民）生意做到風生水起所致。嗱、呢啲咪就係揸拂當局嘅爛民政策發了小數人、害苦了大眾嘅寫照囉！如果當局願意立例禁止爛民闖入本城嘅話、三叔公個仔打工那家狀師館就唔會發到好似執豆咁執、而三叔公亦唔會講風涼話講得咁風騷啦！係嘛？！

大眾街坊都有眼睇、南亞爛民作案越來越猖狂。當初只係圍內爛民鬼打鬼、後來發展至到處非禮、強姦、行劫、傷人、最近還離譜到𢲡住個大鐵鎚當眾打爆金鋪玻璃廚窗劫走金飾。之但係、罪惡城揸拂當局彷彿視作等閒、既不能立法杜絕偽爛民湧入、亦無良策去對付爛民罪行。現在係人都知到那些不法爛民、十居其九都已經被黑幫控制、專門重事非法活動、而有關他們嘅惡行亦不停見報、唯獨是罪惡城揸拂當局似乎借咗盲眼陳對眼、乜都睇唔見而矣！罪惡城內小圈子利益爭鬥使得滿城怨氣、黑鄉商官之說喊個不停、加上不懷好心嘅花大叔為反宗而亂講、使得整個社會無日安寧。相信連盲佬都睇得出、本城問題是出在宗不成宗、主不成主、特權人士以利為主、各路政棍混水摸魚、政治盲流盲衝直指、換新阿頭勢難為主、如此下去等同找屎。可悲的是、揸拂者只管專心玩政治博奕遊戲、而將民間問題置之腦後。更可悲嘅就係、宗主以為團結某些財雄勢大之人、就可以維持罪惡城穩定。但現實卻告訴我們、財閥心中無國界、他們的勢力是遍布全球的。莫講話區區罪惡城這片小土地、即使是宗主腳下嘅黃土大地、在財閥眼中亦只不過是地球其中上一少塊搵銀之地而矣！如果宗主不好好的去正視這個問題、亂是勢所難免的。