未打先輸？

看似有機不是機

未曾出賽已包屘

諸君咪話唔講理

今次分明食硬嚟

江湖上盛傳、即使阿薯打贏香主擂台爭霸戰、總舵也不會任用他的。近日阿薯公開質疑、睇唔到點解總舵會拒絕任用一個在分舵當上十年大頭目嘅人。然而、人地堂頭目飯婦人卻跳出來話、委任香主是比委任大頭目既標準更加嚴格、即使在分舵當上長時間大頭目、亦不等同可以當香主的。如是者過咗幾日、飯婦人又再跳出來講、阿月能夠團結紫荊人而阿薯就不能。有人質疑、阿薯𠸎班街坊都不知幾老友、點解話佢唔得？我想街坊大概誤會飯婦人講話嘅意思、在她口中嘅紫荊人並不包括普羅大眾、而係指小圈子而言的。就係因為阿狼只懂得團結大圈而不團結小圈、才會鬧出咁多麻煩事故幹。明未？依我睇、今次阿薯嘅香主春秋大夢大概發唔成咯！

當下反盟炮製出那套「妖蜓三百豭」軟件是不能獨立運作、係必須得到小圈子圍內那套「反狼」硬件配合才能產生效力。之但係、紅家會今次硬橋硬馬、擺到明要阻止小圈子向反盟提供硬件、若然阿薯真的殺出來、等同小圈裡面嘅五家族、十三會、以及十八寨（俗稱三十六堂）齊跟紅家會公開擘面、到時紫荊分舵將會面對玉石俱焚嘅局面。但我唔相信唯利是圖嘅大老闆、會愚笨到寧願拋棄隻會生金蛋嘅雞、都要揀條死路來行囉！記得在兩年前反盟與黃衛兵發爛渣期間、紅家會喉舌蠻逑社不點名指出、在分舵三堂十三組嘅頭領之中有人與黃衛兵勾結、並講明將會在有須要嘅時候公開他們的名字。嗱、唔知真定假、近日江湖上流傳、三個大頭目合唱、兩個不依譜、唱到走晒音。俗語有云、明哲保身吖嘛！冇人會愚蠢到明知結果一定係賠了夫人又折兵、仲要死𨂐個頭埋去嘅、係嘛？！因此、江湖上流傳、反盟並不是想贏擂台、而係要借今次機會搞起事端、為二佔創造條件、唔似係吹水唔抹嘴。究竟事實真相又係點嘅呢？大家不妨走着瞧吧！