2017年3月17日星期五

二戰必來



呃神騙鬼三百豭
連推帶撞碰瀉茶
呢鋪睇落唔多妥
底褲輸埋累阿媽

日前在大牌檔碰見X君得知、平哥歌舞團(下稱平歌)經理人皮佬𡅏剛剛從花家帶來好消息。據X君講、早前聞得花家新大佬喪普不滿平歌上次在戰中(一戰)街頭劇唱到走晒音、所以拒絕再做其特約人。正當人人擔憂失去呢條大水喉之際、皮佬𡅏就攜同一份計劃書過海去見喪普嘅代表、並成功獲得對方答應、暫時按緩取消贊助嘅決定。但X君並無透露究竟皮佬𡅏帶去花家的是甚麼樣的計劃書。若按照目前情況看來、大有可能是跟妖蜓編導嘅第二次戰中(二戰)街頭歌舞劇有關。

講到戰中街頭劇呢家嘢、就不得不提罪惡城嘅新話事人選舉。其實係人都睇得出、今次紅家擺明除咗阿月之外誰來當阿一都不會答應。咁即係話、誰敢有異議即等同跟紅家為敵。坦白講、恐怕除咗背脊夠厚嘅皮佬𡅏之外、實在冇乜人敢膽去剃阿爺嘅眼眉。再講、阿薯居然妄想利用偽民意去迫阿爺認同佢、簡真係茅廁點燈找屎無疑。照咁睇嚟、只要阿薯一敗、反盟就會乘勢發爛渣指責紅家以大欺小、到時就趁勢號召所有反盟幫派、大中細教館、本土智缺、講獨組織、以及在上次負責當龍處武師嘅社團兄弟齊齊跑上街頭演出二戰、到時嘅場面分分鐘比一戰更加有氣勢、甚至可能會打破埋連續上演七十九天嘅紀錄。只係唔知到水佬杰今次仲會唔會再呃病假、跑去做皮佬𡅏嘅貼身“食榚”之嘛!

講起嚟、早年阿扁在抬島當一哥時只顧玩島獨、當花大叔嘅勸告係廢話、結果被平歌唱到佢摱鐵枝。隨後又論到麻鷹狗不受花大叔約束、於是又被平歌以一曲太陽花唱死藍營、而造就綠營嘅菜英子取得一姐寶座。第一個被平歌唱到躀低嘅罪惡城阿一就係阿懵。即使係掯如狼鷹這號人物、都被平歌唱到雞毛鴨血、仲連莊都冇得冧。近來平歌又反常地唱好曾經被皮佬𡅏冠以歷史上最廢財奴嘅阿薯、當中一定有蠱惑啦!係嘛?!從皮佬𡅏由花家歸來後那副春風得意嘅模樣看來、九成九係𧨾掂咗喪普答應科水讓二戰去馬咯!


18 則留言:

  1. 吓?重有二戰咁杰? 如果林鄭當選,二戰肯定就係佢面對的第一單大野,如果處理得好,分分鐘步董先生後塵,腳痛落台!

    回覆刪除
    回覆
    1. 聽聞話、總舵揀阿月是無辦法之中的辦法。因為舵地投家唔肯接受掃把姐、而總舵又不想阿薯坐上香主之位、才阿超著褲局住擺阿月上台的。

      另有消息指、二戰來與不來基本上與誰當香主無關。背後原因是花大叔一定要給總舵主麻煩、而舵地投家又兩邊都得失唔起、惟有任由班反派去搞至喎!

      刪除
  2. 話咁快又一天🌟週末╠╣aΡpy✨
    好友♦・゚☁晚安呢🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
    回覆
    1. 神鳳、祝周末和周日愉快!

      刪除
    2. 好友☁⊹*。☔早晨嚟🌀。♦。゚🌂午安好🐈
      👀眨吓眼時間過得好快💕╠╣aΡpy週末💞
      ╔═══╗¨˜“გª💛•*¨🦋
      ║███║💗☆“˜*💙・゚⊹💖
      ║ (●) ┈ ¸.¤“♫♩♪♬♫♪
      ╚═══╝˜¨💚¨*💜
      🌼🌷🌻🏡💒🏠🌲🌸🌺🌹

      刪除
  3. 我諗如果仲有二戰,官兵必然會放軟手腳,而啲高官更會輪流請假去遊埠,又或藉考察開會為名而出一溜!

    回覆刪除
    回覆
    1. 分舵管治陽萎是有目共睹的、如果話背後冇原因就真係連鬼都唔信。就拎今次幾個香主候選來來講、佢哋自己都係為咗在分舵發展才放棄蕃邦籍、而佢哋嘅家人是仍然維持着蕃邦子民嘅身份。換言之、當分舵香主告老時就會恢復蕃邦子民身份。照咁睇嚟、當蕃幫以紅家會爆發利益衝突時、這類身份特殊嘅香主是否會企硬在紅家會的一邊即成疑問。所以嘛、管治陽萎是長期病患醫唔斷尾的。如果我打分舵工嘅話、我都則則膊啦!係嘛?!

      刪除
  4. 域Sir,肥佬黎背後的靠山真係好大架,財力和實力有眼見,睇下咁多人告佢的報紙誹謗包括CY在內,但佢完全冇事。

    回覆刪除
    回覆
    1. Wai兄、你講得啱架、早幾年我過河探親時、就見到肥佬張報紙在紅土地公開大賣就知佢係幾咁駕勢咯!聽圈中人講、佢喺細圈有舵地幫照、喺大圈有紅家反對派照、在蕃圈有花家照、係人都要賣佢賬嘅、區區金紫荊阿頭又點鋤得佢入?

      刪除
  5. 都唔明個香主位有乜鬼咁好做,打生打死,勞心勞力,一個唔好彩,仲要好似貪曾或者阿扁咁要摱鐵枝。
    麻鷹狗可能係下一個。
    真係咁著數?

    回覆刪除
    回覆
    1. 香主當然唔好做、但可以在歷史上留名、後人受惠。香主壇前可以擺簽筒、到時信眾湧躍而來求簽、淨係添香油就唔少嘢。若然求得靈簽者、日後還神還少得金豬還神嗎?

      刪除
  6. 來讀一讀七言詩,幕後消息又知多啲。
    79日戰中使錢數以億元計,除了蓬帳藥品用品,飲食三餐,很多的幫手和學生受惠。
    有街坊都去招兵買馬吃喝睡去,自然多馬仔去做嘢,這個是學生、無業之人搵錢的好機會。
    花家出資來攪亂檔。衝擊價錢分三級,後衛最少都有500。最前鋒係最貴,忘記了是幾多千了。
    為了錢而戰,為了錢而破壞和平,這就是人性的悲歌!

    回覆刪除
  7. 城中年輕一輩對黃土大地歷史一知半解、甚至完全不懂的亦大有人在、蕃幫卻早有預謀將紫荊城變成為反宗基地、而宗主方面收因主權之前錯估形勢、行使主權之後又屢計錯數、搞到管治當局內中有外、人鬼難辨。相信阿爺對此是知到的。奈何對手太強、目前尚未係大開殺戒嘅時候而矣!

    回覆刪除