選戰的疑惑

你知我知大家知

無權取捨詏無依

虛擬問責包呃秤

倫常反目更多餘

眾所周知、紅家會內部是存在着「現任總舵主平近男嘅平系、以及親過氣總舵主鋼閘民嘅鋼系」兩股勢力。因此同是親宗人士、會有不同立場嘅現象。已報名參選紫荊分舵香主既（胡判頭、葉柳、薯仔華、揼雞鄭）四個人裡面、有兩人都暗示自己獲得紅門垂青。之不過、無論橫睇、掂睇、都分辨唔出究竟係那一方勢力祝福佢哋。難怪選委們人人唔表態、個個拒出聲啦！須知到、萬一睇漏眼埋錯堆嘅話、就真係杰撻撻吖嘛！呢嗱、話口未完、那群早前大力吹捧薯仔華嘅眷制友、得知揼雞鄭參選之後竟然紛紛縮沙或轉軚。照咁睇嚟、揼雞鄭嘅後台似乎系被睇高一線。問題係、夠究揼雞鄭嘅後台係姓平嘅、抑或係姓鋼嘅呢？坦白講、我就睇唔出咯。唔知你又睇唔睇得出呢？

近日江湖上不斷流傳、紫荊分舵香主阿狼原來係姓鋼的。咁即係話、打着延續阿狼路線旗號參選嘅揼雞鄭亦都係姓鋼嘅。傳聞亦指、西廠大佬雙料明、講馬廠大佬缸瓦王、紅門喉舌戴公保和民匯甫、兩大的系幫派宮聯和眷聯、坊間嘅愛講乜乜、幫講物物、以及支持揼雞鄭嘅豬營和眷制各路人馬通通都是姓鋼嘅。照咁睇嚟、總舵底下無忠士、大概只有吹捧薯仔華嘅泛㒼、以及極端反宗幫派才是擁護總舵架喇！呢類荒謬成咁嘅傳聞、真係另人越聽越糊塗。呢嗱、當年南下冧鎮幫助阿狼奪得分舵香主之位嘅榴槤東副總管、明明是來鉗制扶豬滅狼嘅前講馬廠大佬尿龜、而當時傳聞卻指尿龜是姓鋼的。問題係、既然同是姓鋼的、又豈會架忌冷互片？依我睇、呢單嘢唔使問阿貴、梗係有人刻意誤邊選委、從而呃選票而矣！當今嘅制度係由1200人組成嘅小圈子操縱整個選舉。試問一聲、如果閣下係當中嘅特權分子之一、你會唔會跟候選人先來個討價還價、然後將票投給能滿足你個人要求嘅人呢？當你明白小圈子選舉係乜嘢一回事之後、你自然會明白點解有人要盡其破壞之能事去摧毀大眾嘅投票權、而自己又要拚老命去爭個選委來做架喇！仲有呀、你又有冇想過究竟是姓平的抑或是姓鋼的勢力、在幕後操盤摧毀你和我嘅投票權呢？如果想到嘅、唔刻通知一聲啦！好嗎？