廿三的疑惑

此規不是通常規

嚇壞潛藏二五雞

要是諸君唔屬性

一碰此題命歸西

眾所周知、當年紅家會紫荊分舵開張嘅時候、當時嘅總舵主鋼閘民命令紫荊香主統戰華確立第廿三條家規。殊不知在臨門一腳之際、忽然間有個堂口倒戈以致功虧一簣。當另一位總舵主胡金刀登位之後、統戰華忽然腳痛退出江湖。當第二任香主浮雲曾上台後更索性將廿三規束之高閣、直至卸任都不再提出來。但奇怪嘅就係、被指穿紅褲子嘅現任香主涼粉英上台後同樣不觸碰這條家規。現任香主又被當今總舵主平近男下令不得翻閹。因此下屆新香主是否確立廿三規便成為熱論。但各名候選人對這個敏感問題、都顧左右而言它。然而、確立廿三規是分舵不可推卸嘅責任、何故人皆以諮避忌？相信到咗今時今日這個地步、大家都心中有數、確立廿三規是逃不掉、跑不了的。

大家都知到、打從一開始、反對派就極力反對確立廿三規。據說他們所忌諱就係、此例規定所有幫派必須公開幕後金主嘅身份、以及規定各堂口不得接受海外獻金。就係咁、無論是反派抑或眷制派都對此例十分避忌。社會上很多人都以為花大叔就是反對派最大金主、但其實不然、因為最大金主係鋼系集團。由於近日神秘炒家挑戰華忽然失聯、有人在江湖上牽起一場追查其身世之風。據路邊被透露、是鋼系集團二把手贈㷫紅透過最近被蒸發嘅挑戰華泵水給反派的。由於挑戰華身份特殊、受惠一方從來沒有提起過他的名字。之但係、如果廿三條家規獲得確認之後、莫講話花大叔條財路要斷、即使鋼系集團條大水喉都要關閉。咁你話嘞、呢條斷人財路兼阻人發達嘅惡家規又點會受歡迎？如果我係既得利益者嘅話、都拖群眾落水、兼唱到條惡家規有咁衰得咁衰啦！係嘛？！唯獨是想不到、隨着挑戰華失聯、令到一直藏匿在暗角裡面嘅鋼系集團曝了光。假如總舵繼續沿着當前線路挖下去、真係好難估計尚會有幾多人要見光死咯！由於紫荊分舵揸拂層裡面品流複雜、加上各個派系都在對手家裡部署無間道、難怪這幅圖畫咁難睇得懂啦！據說、即使係圈中人都隨時會解讀錯誤、何況是在下此等外人？莫講話難以分辨四名候選人背後支持者是姓平的、還是姓鋼的、恐怕連咱家香主背後嘅大靠山姓啥、都要重新研究一吓至係咯！