柒景案已有結果

細牛潑尿笑哈哈

柒景開拖往獄爬

問句判爺可公道

說來有若玩泥沙

柒景毆打細牛案終於有結果了！地方公堂大老爺指出、柒景將人紮起嚟打嘅暴力行為完全不能接受、但孤念是細牛向他射尿在先、所以運用酌情權在控罪最低罰則（監禁兩年半）削減半年、而判他入獄兩年。呢嗱、判決一出街、公堂門外黃藍兩大陣營嘅粉絲當然係有人歡喜有人愁、有人喊判得好、有人大聲罵七八九官。喂喂、各位街坊、你哋千祈咪再罵大老爺係七八九官喇！大老爺已經講到明、嗰條控罪最低刑罰係“監禁兩年半”而佢已經酌情 cut 咗六個月架喇！事實上、運用那一條控罪去起訴疑犯係由法政廳提出的、公堂上嘅大老爺亦只能夠依法判案架咋！明未？

今次呢單嘢難免會加深黃藍兩大陣營深嘅敵視、而且會撩起大眾對“紫荊府衙尚未將那群戰中禍首提堂”嘅不滿。法政司一味以證據太多須要時間整理為藉口、遲遲不展開檢控行動、已經嚴重打擊普羅大眾對法治嘅信任。社會上總係有些不知就裏嘅人開口埋口就罵大老爺唔開堂向一干疑犯問罪。其實公堂是被動的、若然檢控部門不將疑犯提堂、大老爺根本上審無可審。戰中摺埋咗已經超過兩年、而首腦人物仍然消遙法外、這一切都是法政廳所造成的。因此一切責任並不在公堂、而係在法政廳。本城政府即將換屆、如果法政廳再係咁拖落去嘅話、睇怕戰中呢單嘢都會大事化小、小事化無居多。若要人人都尊重法律嘅話、政府必須帶頭做好榜樣、切勿再讓普羅大眾再生疑慮喇！好嗎？！