由解簽講起

團伙確混吉

神仙亦照屈

好事幹不來

專門做阿七

在大年初二當日、車神廟門外擺檔嘅一名心術不正嘅簽棍連神仙都敢屈、居然將車神賜給紫荊人嘅上簽當作下簽解讀、仲話今年十月本城必有暴亂。依在下睇、呢壇簽棍除咗搏出名之外、仲係唔知到花家大佬特喪普已經禁止財政部透過民主組織、向海外顏色革命團伙提供資金。特喪普點名批評顛覆紅家會嘅團伙只懂呃錢、決不可以浪費一分一毫在那班人身上去。咁即係話、在紫荊城內嘅反紅政棍已經被特喪普斷水斷糧了！你估佢哋會唔會戇居到去做無着數嘅事？你以為佢哋真係為民主而抗爭的嗎？唔好玩啦、根本上唔係咁架！

特喪普不再向顛覆紅家會團伙泵水、並不等同就此放過紅家。但今日嘅紅家已非昔日嘅吳下阿蒙。就拿“製造一枝原子筆”來打個比喻、即可見紅家確係唔少嘢。嗱嗱嗱、千祈咪睇少一枝原子筆呀！當今天下能夠獨力製造出一枝完整原子筆嘅家族只有得意志、架仔、花家、以及紅家架咋！因為製造原子筆最高難度就係筆尖的那粒走珠。要造出一粒細微、圓滑、堅硬、但又唔會刮花紙張嘅走珠、非要擁有超級精剛、超級切割和打磨技術不可、否則筆尖部份就必須要向外求。紅家能夠獨力造出一枝完整嘅原子筆、已證明其鍊鋼技術已經達到世界先進水平、米旗和伐蘭西等歐洲科技先進家族也望塵莫及。你又知唔知曉、咱家科技和工業水平究竟到達了甚麼境界？雖然整體科技仍然落後於先進家族。但在某些尖端科技、例如超級電算機已經連續數年穩據世界第一嘅位置。在世界上能自主掣造大推力飛機引擎嘅家族、除咗花家、沙鵝、米旗之外就是紅家。能生產隱形戰機的除咗花家之外、第二個家族亦是紅家、而沙鵝到目前仍然在試驗階段之中。由其是太空科技方面、咱家的太空站已經續漸形成、不出兩三年就可以派太空人長期駐守。谷歌獨霸太空通訊網絡和監視地球的日子、隨着紅家嘅北斗星系統完善化而成為歷史。這一切都是鐵一般的事實。雖然龍的製造嘅整體水平與先進家族相比尚有距離、但只要能夠有安定環境就能擁有發展空間。只要發展好、社會建設就好、民生便可獲改善、人民質素亦會提升、到時人民自然會對政治有正面要求。可惜有人唔鍾意、偏要做花家（阻止龍族容入世界、謀求共同發展）嘅幫兇。不過花家新大佬特喪普拒絕出糧畀班友、唔知佢哋會唔會轉工呢、吓？！