跑馬仔傳說

你估我又估

靠撞冇辛苦

中央無表態

小心食詐餬

近日江湖最熱門話題大概就係阿頭跑馬仔咯！目前正式報名參選嘅人只有壺倌和葉柳。大賬房掌櫃抓錢華已經向縣府請辭、並正在等候中央批准。注於唔嫁又嫁嘅大總管冧井、但至今尚未提出辭職要求、看來是先要看中央反應、然後才作最後決定。穿紅褲子出身嘅爭六成依然高據牆頭試風向、一時話嫁、一時又話唔嫁、總之耍來耍去都係耍那套迷踪拳。究竟誰才是真命天子就無人知曉。恐怕那些所謂貼近中央嘅消息靈通人所放出來嘅料都靠唔住。之但係、凡事總有一此蛛絲馬跡可尋的。

回顧三任阿頭冇一個做得順順利利、其主要原人就係欠決人和。第一任老古董被當時嘅大總管陳四姑架空、衙門裡嘅話事權全由她控制。由於「八問五」政策損害既得利益者嘅利益、連亂制都暗中反他。第二任是公人出身嘅啱曾、雖能緊握衙門話事權、可惜他的謂口太過大而忽略咗曾經造就佢嘅恩人、結果支持者變成反對者。雖然他順利做到夠鐘、但卻連一件利眾嘅事都做不出來。第三任施威人未到時就被亂制與泛㒼聯軍在途中連番截殺。上位之後更加係內外交迫、以致人和地利皆失、所以被勸到此為止。其實上述三人都有一個共通點、那就是得罪咗一些唔應該得罪嘅人。因此若要成為下一任阿頭嘅人、必定要是一個有穩固班底支撐嘅人物才行。目前情況顯示、只有葉柳是一幫幫主、其手下人才眾多、即使開戰亦不再是一名孤獨戰士。雖然爭六成從前亦曾經是一幫之主、但目前卻置身於人不在人情杳嘅現實環境之中、卸任多年的他已經失去影響力了！相反、在江湖上曾經短暫流傳過可能會參選的另一位過氣不久嘅幫主則不同。此人有強大班底作為後盾、如果願意沾呢趟混水嘅話、其戰鬥力比起葉柳有過之而無不及。更重要嘅就係、此人無論在天時地利人和三方面都比葉柳更佳。起碼五家、十一會、十八寨等勢力對此人並不厭惡、泛㒼跟此人亦無深仇大恨。所謂養兵千日用在一朝、未來嘅政治形勢將會變得比之前任何時候都嚴峻、朝廷必須要擺一個缺點較少、可靠性高、而且實力又有番咁上下嘅人物出來壓陣。雖然此人無往績可尋、但勝在玲矓得來又夠沉穩、班底實力雄厚、更重要嘅就係有能力去團結亂制吖嘛！此人是誰？那就請稍等、相信在明年二月之前必有答案。