施威棄權之迷

相嗌唔好口

繼而施辣手

風狂火勢勁

點到佢唔走

毫無疑問、施威就是總舵主眼中嘅反獨功臣。可惜佢人和盡失、莫講話在亂制裡面朋友唔多、即使在他領導嘅班子裡面、能跟他交心嘅人物亦係唔多覺。由其是與他一起共事嘅三大總管更加係貌合神離。甚至有傳聞指、有人假借閣老級人物之手暗中向總舵篤佢背脊。試問一個孤家寡人、又焉有可能做得出好戲來？因此今次他宣布棄權、即被反派視為老古董腳痛翻版。據阿邊個閣老講、總舵已經察覺到若不在小圈子選委「分餅仔」進行之前先勸退施威嘅話、肯定會有大批「餅仔」落到泛㒼手中。為免令泛㒼食得太飽而滯壞個胃起見、總舵終於在分餅仔的前兩日決定喊停施威。

回頭一望、不難發現施威與反派連番惡戰之後、除咗講獨面臨滅頂之災、泛㒼亦受到沉重打擊。事實上、自從戰中一役之後泛㒼嘅號召力已經大不如前、無論是七一抑或十一舉辦嘅大晒冷再也見不到昔日嘅人山入海陣容、即使日前拷鑼打鼓為四名面臨「覆核」嘅反派尊貴號召「反申覆大集會」亦只係得百零二百人參與、證明民心越走越遠矣！從泛㒼氣勢大幅滑落看來、施威確實係一名超級鬥士。可惜嘅就係、佢忽略咗一個捽死佢猶如捽死一隻蟻那麼容易嘅人物花大叔。由於施威將泛㒼鬥菸鬥臭、使得花大叔對他十分憎惡、連帶一眾摱花車邊搵食嘅人亦唔妥施威。眾所周知、成功嘅生意人向來無國界觀念、那裡有利可圖、那裡就是樂土。既然米飯班主唔鍾意施威、車邊友亦惟有表示支持。大多數一手摱花車而另一手摱紅車嘅人係唔會出面欺負施威的。不過別人點樣對待佢、車邊友就管唔到喇！政壇上嘅賞金打手多的是、誰出得起錢就替誰服務。當年為保住乜乜霸權嘅利益、泛㒼和亂制賞金打手合力將「八問五益街坊」嘅發起人老古董拖落馬、今日兩幫人又故技重施把乜乜霸權嘅眼中釘施威拔掉。由此可見、政壇上永無朋友與敵人之分、一切皆由利益來支配。因此、千祈咪妄想政棍會為你嘅利益、而犧牲佢哋嘅利益至好呀！知冇？