殺到埋身仲唔知死

諸家贊成他必反

無須道理眼坦坦

呢群茂利呃呃騙

信上一成冚包散

當年紅家太祖皇帝話過、凡是敵人贊成的他們都反對。可惜吖、那些紅子紅孫人人向錢看、個個把他的話當作耳邊風。唯獨是反字堆件件緊記、隻隻奉行、而且已經達到戰無不勝嘅境界。日前總捕頭提出增聘捕快嘅要求時、白鴿標會首席師爺桃姐便指出、增聘新捕快無非是要為本城大歸廿載慶典壓陣、以防有人趁機滋生事端。話口未完、總捕頭亦承認係基於人口激增、遊行激化、加上反恐和防暴嘅須要、所以非要加添人手不可。記得在兩年前封街鎖路七十九天期間、巡捕房取消所有捕快休假、以及號召所在後備捕快出來助陣、尚且搞得𠸊𠸊掂、何故區區一天嘅大歸慶典就要加聘人手應付咁大陣仗？由此可見、今次招聘新丁極可能是針對反字堆作亂而做的。

根據X閣老所講、朝廷預測當新一任（綽號花癲大帝）花家大帝登基之後荒唐城必有一亂、而且往後嘅亂象亦將會更加頻密。因此有須要提早增聘捕快嚴陣以待、才能夠有效地控制環境和預防社會秩序失控。咁即係話、那位“只有他所想、不理人所想、只有他所惡、無視人所惡”嘅花癲大帝、絕不會容許東亞局勢緩和、仲會不擇為段的挑起更多不利於天朝發展嘅對抗和衝突。由於本城潛藏着無數（俗稱阿七嘅二五仔）花旗細作、只要花癲大帝一聲下令、城中嘅一班阿七就會馬處盡其搗亂之能事。之但係、今日嘅阿七已非昔日嘅那一群“一吹雞就能夠號召數以十萬計嘅人跑上街頭支持”嘅風雲人物、而係一堆散亂無章嘅烏合之眾。因此狀棍出口、毒派出手、勢將成為城中嘅衝擊主流。在當花癲大帝尚未嘗到苦果的頭兩年內、本城必會亂象頻生。即使今日反字堆力捧嘅二撇曾真的能攀上荒唐城縣太爺之位亦唔見得會有好日子過、更加見唔到荒唐城會平靜得到那裡去。因為反字堆今天之所以力捧二撇曾、純緒係受城中大戶之錢財而辦好件事而矣！因此那句所謂“誰人上台都比阿狼好”嘅口號、直程係呃街坊嘅鬼話。總言之、當新花癲大帝聖旨下之時、就是荒唐城大亂之日。風水佬呃你十年八年、本城新形勢將會證明在下並非吹水、大家不妨就走着瞧吧！