無知可以推翻一切？

有兜覆核王

勢兇又夾狼

一聲唔知到

斷估當幫忙

相信係人都知到肚餓就要食、食飽要屙、食嘢要畀錢、屙就去廁所。呢啲普通常識大概唔使人教都知到。相信冇乜人會反對、宣誓係一件莊嚴而且認真嘅事。對嗎？呢嗱、就在剛才之嘛、專業覆核師長兜郭又跳來出表示要維護「郭家尊嚴」而向大法堂提出「撕法覆核」看看垃圾會監誓主任是否失職而導致出錯、並要求重新讓所有垃圾尊貴再宣誓一次。據長兜郭所講、監誓主任事前並冇向宣誓者解釋清楚“點樣至係啱、點樣至係錯”便涉嫌失職、亦即係話尊貴“玩誓”條數應該由監誓主任付責埋單才對。按照長兜郭嘅邏輯推算、任何人在犯案之前唔知到咁做係錯嘅話、就有權以「不知到」為理由向大法師尋求「撕法覆核」讓當事人從頭來過、否則就算判咗罪都要推翻。咁你話、荒謬唔荒謬？

以在下所知、本城係有法條規定、任何人都不得以「不知到」為藉口作為解釋其犯罪理由的。何況在宣誓前、監誓主任已經提醒當事人必須按照其面前嘅樣版宣讀誓詞的呢？事實上、大眾有目共睹、的確係有群人是有備而來、明知而故犯的。他們滿以為可以做台好戲出來討好佢哋嘅擁躉之餘、又可以凸出自己嘅英雄形象。殊不知嘩眾不成、反而令自己捲入官司、仲搞到連份筍工都冇埋、呢啲咪就係陸雲霆睇相、無衰擺嚟衰囉！好嘞、現在東窗事發、人人賴嘢、個個驚青、有人又再請專業覆核師長兜郭粉墨登場、跳出來做爛頭卒、並託辭維護「郭家尊嚴」、實際上係為推翻高級大法堂對支那恆和扑嘢禎嘅判決而鋪路。之但係、人地釋法話到明宣誓係冇take two架啦、呢壇專業覆核師居然搏大霧、想話來一趟魚目混珠、撻「郭家」個朵出來去推翻鐵案、都可謂瞓唔醒矣！喂喂、長兜覆核師大叔、唔該你咪再浪費公帑和浪費大法堂嘅時間、更加咪當所有人都係低B架啦！好嘛？！