天才與扮豬

以為就此博出位

點知原來做懵仔

此盤棋局參不透

未知兵凶勢又危

正當支那恆和爆粗貞嘅「肉麻」事件鬧得滿城風雨之際、兩人又高調飛去寶島跟抬獨集團摸杯底、彷彿驚死對手唔夠證據釘死佢哋係講獨分子咁款。目前形勢顯示、愛字堆正在努力爭取街坊籲名支持踢雙卒出垃圾會、揸拂當局亦嘗試以「撕法復合」手段阻擋雙卒入局、而亂制派則利用一切辦法阻延雙卒補行宣誓儀式、加上兩會錦衣衛和紅媒連日來對雙卒不圍攻、聲討之虛撼確係一時無兩。現在嘅問題係、既然明知到奀症係一個講獨色彩濃厚嘅組織、何解負責把關嘅篩毀會居然容許支那恆和燥粗貞兩人參賽？好嘞、到咗人家勝出並在宣誓儀式中玩嘢、當局又以大炮去打兩隻小蚊子。盲嘅都睇得出當中必有蠱惑啦！係嘛？！

呢嗱、今早支那恆和爆粗貞在泛㒼人牆掩護之下強闖垃圾會、搞到坐新任主持人三梁木要宣布休會而避之。眾所周知、如果亂制派要阻止雙卒宣誓、根本上無須搞到要休會、只繼續玩流會就可以。人家反對派在上屆拉布拉到神憎鬼厭都係咁、所以亂制派今次就算流會流到天翻地覆亦唔會有事。問題係、究竟是誰要讓這台戲上演？坊間早有小道消息流傳、施威欲借一場政治風波去博冧莊。之不過、此說法嘅漏洞實在太多。首先是、篩毀會趕走六萬琦而讓奀症雙卒參賽嘅做法、顯得太過露骨。其次是、對付兩隻小雞居然動用到殺牛刀、亦過於小題大造。坊間盛傳、這台戲係由施威自編、自導、自演、但亦有小道消自指係紅家會嘅傑作。因為一個地區揸拂人、係冇資格去啟動紅家會嘅機器的。若然硬是要將此事跟來屆小圈子大選扯上關係、那就只能說是紅家會擺下嘅一個棋局。理由就係、總舵要利用一場政治風波去削弱城中大戶嘅過大影響力。經過四年前那場鬼哭神號嘅豬狼鬥一役、總舵主已經知到講馬部和西灣部嘅頭目之中有人與城中大戶眉來眼去、以致紅家會推行嘅政策屢受挫敗。今次總舵要先清理門戶、然後再緊緊的抓住金紫荊主導權、以確實政策得以順利推行。換言之、今次是紅家會跟乜乜霸權之爭。看來、反對派和偽紅人馬大概又可以派上用場了！