ABC時間

倒梁不是玩泥沙

點解人人話佢差

錯在幫他唔幫我

鬧得龜孫遍地爬

呢嗱、如果話要換走施威相信很多人都不會反對、但若是換上那位歷史上最廢嘅財神抓錢華來當揸拂人嘅話、咁就同係咁講嘞。須知到、抓錢華嘅最廢財神封號是來自反對派、但今日反對派居然要捧他做揸拂人、咁你話係乜嘢意思呢？無它的、因為今時今日罪惡城只有嘩眾取寵之輩、而無領導之才。人們之所以要趕走施威、就是因為他是個鬥士。當他落場一刻開始就擺出一副格鬥架式、而且結下不少仇家。在過去四年裡面、罪惡城內嘅眾矢之的就是施威。大戶要趕走他、反對派要趕走他、亂制派內部亦有人要趕走他、江湖上一眾只見施威負面而不看其正面嘅政治盲流同樣要趕走他。因此、在形勢上看來、施威是非走不可的。

近日江湖上熱議、誰是來屆揸拂嘅真命天子。當中包括有：穿紅褲子出身嘅登陸成；與總舵主兩度握手嘅廢財神抓錢華；早前低調上京面聖嘅大總管冧井；對揸拂人寶座一直垂涎嘅身痕幫幫主葉柳；口口聲聲說不會參選嘅前財神偷步松等人。坦白講、如果登陸成係總舵主心儀中人嘅話、上次已經登咗陸、無須要等到今日。抓錢華被喻為史上最廢嘅財神、根本上無能力去擔起揸拂人支大旗。注於綽號好打得嘅冧井亦唔見得有幾好打、而且仲係響樹派嘅眼中釘。葉柳雖然在當保安大隊長期間一力堅定不移的承擔起廿三兜一切嘅指責、但她的出身基本上跟冧井和抓錢華一樣、都是前朝英精團隊嘅成員。試過啱曾一役、紅家會沒可能再免強自己在垃圾堆中挑選極品的。施威雖然剛強有餘柔韌不足、但勝在夠忠心、唯可惜嘅就係仇家實在太多。偷步蟲夾硬被人拉落水湊數、確實有點莫明其妙。之但係、想知到下一任揸拂人誰屬並不太難、只要細心去分析一下垃圾會嘅當前形勢、就不難想象得到應該須要一個怎麼樣嘅人物來坐鎮才能夠壓得住個場。依我睇、今屆垃圾會混亂程度必會創歷史新高。如果能夠由一個類似睹得蒂（賓仔一哥）這類一眼向去無喱頭、但實際上是個大志若愚嘅人物、來當罪惡城揸拂人是最適合不過的。不過、可惜吖！罪惡城只有政棍、而無政治家。嗚呼哀哉！