垃會開光大典

盲巫趁着花癲雞

勝過長毛路姆犀

開口夾脷唔生性

扑嘢不成面向西

呢嗱、俗語都有話、寧犯天條、勿犯眾憎吖嘛！殊不知初生之犢冇有識死、在垃圾會開光大典之中為所欲為而觸犯眾怒。在宣誓儀式之中、帶有濃厚講獨色彩嘅拚討派成員之中、有人披上「罪惡城不屬於天朝」字樣布條進行宣誓、有人將天朝讀成 XX Re-fxxking of XX、有人刻意將罪惡城讀成Crime Nation（罪惡國）、有人在誓詞中加入「不效忠XX政權」等語句。雖則話、拚討派在開光儀式之中鬧個不亦樂乎、若然當局要利用這機會剷除呢班人實在係講唔通。理由就係、既然當日篩委會扮盲許這些入閘參賽、今次垃圾會亦應該繼續扮聾讓他們順利人座才對。否則、篩委會就有必要企出來解釋、青年奀症和半文錢同屬獨派、為何涼爽恆和扑嘢媜兩人可以入閘、而獨係涼爽琦一人唔得？

話時話、最近江湖有些具影響力嘅人物輪流跳出來講、年輕人搞講獨只係對社會不滿的一種表達方式而矣！之不過、拚討派新貴在垃圾會開光當日、就以行動來證明這套講法是錯的。拚討派帶備藍底白字的布條讓大家看得清楚、罪惡城並不是天朝的。因此、在下奉獻那些口噏當秘笈之流一聲、不要再誤導街坊。因為那群不肯承認自己是天朝子民嘅青年人、都是自少便開始接受反紅思維薰陶。因此、他們的一言一行、確係「真豬」都冇咁真。地球上有很多地方比罪惡城更加罪惡、有很多政權同樣是不為年輕一代所認同、但從未聽說過有人連國家和民族都不承認、而這種事情卻在罪惡城發生了！試問又點可以等閒視之？雖然話、講獨今日是沒有生存空閒、亦無發圍條件、但長此以往的糾纏下去、早晚都會將本城的經濟基礎弄垮。究竟那些刻意曲解講獨嘅人是啥居心的呢？江湖上有一種說法、指拚討派人馬之所以能夠進入垃圾會、並非當局甩轆、而係有人刻意安排、目的就是要讓（獨氣）去封死施威冧莊之路。如果傳聞屬實嘅話、便足以證明「豬狼鬥」是從未有終止過。唉、搞成咁、都可謂「啊尼吉帝」喇、前世！