鼓吹仇恨

樂禍又幸災

委實太不該

鼓吹仇與恨

終歸惹禍來

今日罪惡城果然係有政治冇道義、居然有媒體公然鼓吹仇恨。日前有一名女捕快在分娩期間出血過多而死亡、某媒體居然用上「黑捕有報應」呢類幸災樂禍嘅冷血手法將新聞發放出街。其實大家都知到、所謂「黑捕」其實是在戰中期間、皮佬𡅏旗下喉舌用來抹黑捕快嘅手段之一、目的是藉此去為那群封街銷路嘅政治盲流炮製出一個敵我分明嘅假象。雖則話係各為其主、但亦無須要對一名自己不認識嘅死者出言侮辱吖嘛！據說、這類鼓吹仇恨嘅行為、除咗明益那位每一刻都在妨礙龍的傳人進步嘅花大叔之外、恐怕對誰來說都不是一件好事。呢啲咪就係、司馬昭之心路人皆見、唯獨是政治盲流係睇唔見之嘛！

今日罪惡城之所以成為罪惡城、其實係城民自己造成。隨着罪惡城易主、利益集團就要重新執位、爭鬥亦由此而起。就拿八問五來做個例子。雖然此計劃無論橫睇抑或掂睇、都係對基層勞苦大眾有百利而無一害。但可惜嘅就係大眾被人誤導、而將八問五倡議人阿懵視為眼中釘肉中刺、必先除去而後快哉！結果阿懵倒下了、八問五也倒下了、既得利益者得逞了、但無殼蝸牛的苦日子卻改善不了！這一切都要多謝城中某喉舌與既得利益者通力合作、鼓動數十萬人上街迫阿懵下台。因此、今日無殼禍牛喊扑嘢都冇房、實屬係咎由自取、不得怨別人。俗語都有講、第一次賴嘢只屬無知、第二次賴嘢就係白痴、第三次仍然賴嘢就冇得醫架喇！但弊就弊在、罪惡城卻是一個盛產政治盲流嘅地方、莫講話連續賴嘢三次依然罰係懵閉閉大有人在、恐怕有人真係做咗烈士都唔知點解架！常聽到罪惡城居民揶揄老表民智未開、並指其行為令人討厭。但根據在下所見、咱家民智同樣開不了多少。否則又點會有咁多擘開眼嘅盲人嘅呢、吓？！