2016年1月13日星期三

人性何在?



強把老人剝光豬
火酒亂噴智障兒
膠紙乳頭搣又貼
如此惡行理當誅

呢嗱、俗語都有講啦、受人錢財替人辦事吖嘛!之但係、在我們嘅社會裡面卻偏偏有種人呃飯食都唔在講、而且仲係呃得特別樣哀、特別乞人憎嘅。去年大埔區一家商辦乜橋護老院被揭發、職員將在露天平台上排隊等候沖涼嘅長者就地剝光豬、睇到鄰近街坊火都嚟埋而去投訴。跟住嚟又輪到元朗區慈善機構乜乜局轄下嘅一家特殊學校被人用手機拍攝到、一名女教師用消毒火酒噴向智障學生面部。剛剛踏入新的一年、沙田區乜乜輔導會轄下嘅嚴重智障人士宿舍的四名職工被揭發、先行將一名中年男性智障人士嘅上衣脫去、繼而以牛皮膠在其乳頭上連續多次貼貼搣搣、並用手機拍下整個過程。

以上事件皆有一個共通點、那就是作業者盡其踐踏人類尊嚴之能事、而被虐待者都是失去自衛意識的長者和智障人士。唔知各位街坊點睇、我就覺得做出呢種滅絕人性嘅行為嘅人係罪無可怒嘅。其實、無論是護老院也好、特殊學校也好、抑或係智障人士輔導會也好、都是向有特殊須要嘅人士提供服務。因此加入這個行業嘅人士、應當擁有充份心理準備去做好本份至係。之但係、從以上事件看來、顯然係有人唔止係受人錢財誤人之託、而且還要不斷的去欺陵和侮辱那些不懂得反抗嘅人士。呢類心地惡劣成咁嘅人、理應送去坐花廳、好讓他們有機會反省一下至係。但奇怪嘅係、在火酒噴面案審訊期間、居然有九十四人向法院遞信、為那名暴力教師求情。坦白講、一個擁有七次用燒毒火酒噴智障學童面部紀綠嘅人、竟然會有咁多人為佢向法官求情、委實令人難以理解的。咁你話啦、呢個世界還有啥公義可言呢、吓?


16 則留言:

  1. 域SIR,又唔見共產黨替天行道,將班友人間蒸發.

    回覆刪除
  2. 覺得那94個替施虐教師求情的人, 都是物以類聚的壞人!

    回覆刪除
  3. 久不久又見到呢的惡行醜聞,真係心嗡又凳被虐者心痛!

    回覆刪除
    回覆
    1. 其實我們見到的只不過是眾多惡行嘅小部份而矣!

      刪除
  4. 香港為何頻頻發出虐待事件,相信原因是利潤最大化後的結果,而且也是一種心理反射,你不難發現在神州甚至是美國,也常有向弱勢者施暴。

    回覆刪除
    回覆
    1. 相信員工質素、訓練不足、監管馬虎等都是其中主要完因。

      刪除
  5. 你講得啱!如果欠缺耐心,愛心及同情心,就唔好做呢類性質嘅工作。SHU兄言之有理,我相信呢類虐待事件,全世界都存在,但不等於合法同合理。至於撰寫求情信,係朋友嘅話,都好難推卻,唯有隱惡揚善喇!

    回覆刪除
    回覆
    1. 咱們的社會之所以河蟹、就是缺愛心嘞。

      刪除
  6. 一些如此喪心病狂的人,假如是我的話,就不會為她求情。相信那些為她求情的人,都是有不能推辭的苦衷吧?

    回覆刪除
  7. 自從有了拍攝功能手機,惡行無所遁形.

    回覆刪除