擳牙膏般的傳說

混來一片黑

兇吉難料得

看來無邊際

越聽越飄忽

蒸發事件越爆越驚人、繼兩名閣老“包括五兩升嘅「五人集體縮娼被捕」和牛奶彊嘅「五人販賣犯天條刊物而被蒸發」”嘅言論之後、另一位權威人士狀馬指出、三皮哥牽涉在一場宮庭鬥爭之中、並呼籲城中街坊無須驚恐、因為普通百姓不會有這種背景。狀馬以支離會頂爺剁人李為例、指他在城中宣傳「結束一家獨大」遊戲、但由於該宣傳並無流人中土、所以不會遇上蒸發。但問題係、此話嘅潛台詞是否指、若該等宣傳一旦流入中土、就會有人被蒸發呢？由其是電腦資訊發達嘅今天、誰敢保證自己嘅言論一定不會流入中土的呢？聽罷這幾位代表性人物嘅講話之後、反而多添幾分忐忑矣！

呢嗱、這邊廂三皮哥寄條錄影片段返來呼籲人們切勿幫倒忙之際、那邊廂反盟就唔理三七廿一、咬定三皮哥講嘅話言不由衷、實行上街晒馬兼喊朝廷放人。坦白講、咁又好難怪佢哋嘅、據巡捕房向傳媒透露、大內密探在城中執行蒸發密令早有前科。原來兩年前有一名商人忽然在城中蒸發、後來被發現在內地坐花廳。加上早前蠻求日刊咆哮在前、兩名閣老級人物「五兩升和牛奶強」加鹽加醋在後、城中蟻民當然有所反應。別以為今次參與上街晒馬嘅人未見得太湧躍就當冇料到、假如呢單嘢處理不當嘅話、下次嘅遊行肯定會演變成賓墟咁嘅場面。但係歷史亦告訴我們、與朝廷交易必須遵守一條不成文法則。那就是只宜順捋不宜倒抓、否則必會弄巧成拙。依我睇、既然三皮哥寄影留聲要求紫荊人切勿強出頭、否則佢就好難重返家門、人們好應該知所進退、給予有關方面一些迴旋空間、看看事情有沒有轉機餘地、絕對不可效法剁人李、用「有人怕晒冷」此等撩交打嘅語氣去刺激對方。老實講、萬一對方被焫㷫而企硬嘅話、搖旗納喊嘅人當然冇所謂、但當事人就係咁先架喇！事到如今、議事堂班大帝唔好再左閃右避、應該承擔起責任、催促縣府向有關方面交涉、以求盡快消除街坊嘅疑慮才對。