青出於藍

祖師壇前罵龜公

教頭扮懵學生從

蕃旌背後無真理

斯文掃地發噏風

 

呢嗱、自從大教館成立以來、歷屆館監嘅角色都是由洋督來擔當的、直到大歸之後才改由縣太爺去坐這個位。本來這是順理成章的事、但奇就奇在大學徒居然要反對。不過諗深一層又一啲都唔出奇。原因幾年前大生會與舊生會（下稱兩會）聯手發功、阻止大教館接受李老闆為加建新的練武廳而捐出嘅大筆銀両、事敗之後便將矛頭直指館長。結果連續三任龍裔館長冇個襟撈、最後要從北列顛聘個洋人來當館長才相安無事。呢嗱、經過連番大捷之後、兩會又點會話唔心雄、唔齖齰呢？不過在最近一宗武力衝擊長老會事件之後、大生會一哥居然話一切暴力事件均不是兩會所為。嘩、佢咁講法、都可謂禮義廉俱全喇啩？！

呢嗱、唔知到大教館長老會是有心無力、抑或是有力無心、總之在面對大學徒一次又一次嘅下犯上行為時、都表現得軟弱無能、彷彿恐被大生會趕出校似的。由於大生會認定縣太爺曾經向長老會施壓、以致他們心儀中嘅人物不能晉升為副館長和被封殺它朝登上大館長寶座嘅機會、於是與政棍聯手挑戰大教館百年存統、試圖罷免縣太爺當館監嘅資格。據說大生會嘅真正目的殊不簡單、因為他們正在為紫荊人作出一個危險示範。目的是要證、明今日他們以學徒身份能夠將縣太爺驅逐出大教館、它朝作為市民身份的你同樣可以透過集體力量將縣太爺驅逐出金紫荊城衙門的。這種話雖然有點危言聳聽嘅味道、但卻引申出一個很重要的問題。那就是究竟大生會憑甚麼膽敢放肆到如斯田地？答案我就唔知到嘞、不過我知到在大歸前這家大教館是代代出產精英嘅名牌老字號。然而從今日嘅形勢看來、大教館似乎已經轉營為盛產狗熊之地。唔知咁算唔算得上係青出於藍？