2015年9月11日星期五

你還愛佢嗎?


一槍焫散九重天
盡拆圍場共並肩
終於發現唔多妥
欲哭無淚語無言
 

約在十五年前、花旗與歐盟聯手在中東引發一場名為「阿啦拔之春」嘅民主運動、到咗十五年後嘅今天開花結果、數以百萬計來自中東和北非嘅難民湧向歐洲去。目前歐洲主流意見都是不願多收難民。雖然德意志一姐墨黑耳提出歐盟成員國合力收容難民、但原來亦只屬曲高和寡。北列顛答應收容兩千難民之後國內有聲音傳出、寧願退出歐明也不肯再收容難民。花旗顯現得更加小器、只答應收容三百名難民。正在大眾都感到頭痛之際北列顛忽然有所發現、前指出在四百萬名難民之中混入了數千名醫師蘭閣恐怖分子。咁講法、歐盟終於能夠以國家安全為理由拒收難民啦!係嘛?其間胸牙脷一哥說得最坦白不過。他說若然不制止中東難民繼續湧入嘅話、歐洲人就要面對喧賓奪主和淪為小數民族之危。看來、西方對百萬難民湧入感到吃不消。之不過、一旦下逐客令嘅話、他們以之為傲嘅「人權」價值觀便會全面破產矣!


在下記得多年前安南難民湧到本城來、山姆大叔和事頭婆都勸紫荊人抵嚇諗、暫時照顧班難民、日後聯合國會還錢、而歐美等國就會派船來將他們接走。但係難民猶如屎坑三姑、易請難送、於是社會上又響起遣返難民之聲。就在那個時候、自稱日日做看更嘅李賣田便撲出來發放那些甚麼「今日你拒絕收留別人、它日人家也拒絕收留你」嘅謬論。總言之、講到大歸形同大限、到之期之後唔走就死梗咁款。但係事實證明紫荊人被欺騙了!因為聯合國難民專員公署欠債不還錢、花旗和北列顛更加係講完當冇講過。結果在有關當局在鬨鬨氹氹之下、才能夠將滯留嘅難民分批遣返原地。今日歐洲同樣面對數以百萬計嘅難民潮、同樣不勝負荷、同樣係大多數人都不願意挨義氣收容難民。但花旗這個始作恿者卻變成旁觀者、彷彿「阿啦拔之春」係完全與之無關。這證明甚麼?咪就係證明咗、那些所謂民主和人權等美麗嘅名詞、全都是用來呃鬼食豆腐嘅屁話。呢嗱、有事實為證架、真係信嗰個、死嗰個、重係死咗都唔知自己錯嗰隻。吓、仲係唔信?那就唔該你快啲去打開份報紙睇真下、究竟今日中東嘅情況係點架啦!

17 則留言:

  1. 你死你事關我乜事……
    輸出戰亂,製造貧困,咁就有人會如魚得水!

    回覆刪除
    回覆
    1. 但係呢個價值觀目前係最賣得架....

      刪除
  2. 呢單野的始作俑者非花旗莫屬,歐盟只係幫兇,而家百萬難民,都一樣燒唔到花旗去,仲可以陰陰嘴笑,霸主地位又再穩固些。

    回覆刪除
    回覆
    1. 不過現在普京趁火打劫踩隻腳入中東撬奧黑馬牆腳....

      刪除
  3. 北納杜拉.......香港人做善事囉!

    回覆刪除
  4. 花旗號稱講人權的民主大國,可是在75 年撤出寮國之前,暗中埋下眾多的地雷在人家肥沃的土地上,久不久把誤中地雷的鄉民炸到血肉橫飛 ! 爆炸力十分驚人 ! 到現在寮國人還要不斷掃雷救亡。
    一副順我者生,逆我者死的行徑,是不把別國人民當是人的無道霸王 ! 只要大洒金錢來挑撥一下,別國的無知人群就會自亂陣腳上當。

    回覆刪除
    回覆
    1. 呢個世界真係好醜難分、一切皆由人作業而矣!

      刪除
  5. 好友♦・゚我精神番哂*。又來天天忙樂噃*◇
    ♦*¨*Ѽ齊齊.¤睡好吃好`・✱身體要好喇喂
    快樂星期日☾.☁º°¨✫天天甜夢✬•*¨★good nigh

    回覆刪除
  6. 美加就是靠難民,移民,買豬仔,而成發達先進國!
    今次德國發達了,不用買豬仔,而豬仔自來 !!

    回覆刪除
    回覆
    1. 不過墨黑耳還是頂唔順盟友壓力、大閂方便之門了!

      刪除
  7. 慷他人之慨,唔使成本,又可以站在道德高地,呢啲雖然正一鬼話,但香港就有好多人相信花旗同英國佬嘅鬼話。你估呢類人唔知花旗同英國佬狗噏咩?不過為咗政治,揞住良心講說話吧!所以佢哋冠以漢汗之稱號,實不為過!

    回覆刪除
    回覆
    1. 歷史其實寫得很清楚、每當白人有須要而自己又欠缺嘅時候就會發動戰爭、分別在於今天白人唔會自己落埸、而係推行「代理人」戰爭。因此世界各地就出現很多乜奸物奸了!

      刪除
  8. 謝謝分享,祝週三快樂!

    回覆刪除