2015年9月23日星期三

天師「篤」妖



指左望右喝一聲
單蹄蹬地最靈瓊
諸君咪話唔緊要
弄假成真你便驚

日前護國天師陳所以聲稱、自從「和尚打傘」一役之後、一股強烈嘅「催殖化」妖氣瀰漫着香江城、但香江府衙又無依法禁止該等妖氣蔓延。於是乎立即開請祖師爺上身指引一下喎!只見陳天師指天蹬地之後疑似祖師爺了上身、並怒罵香江府衙辦事不力、視獅龍旗重現江湖而不見。更加可惡嘅就係、府衙居然任由獅龍幫大搞「去龍化」和在遊客區趕客、令到全城陷於紛亂困境之中。祖師爺臨走之前還寄語香江府衙、指應禁則禁、應留則留、應管則管、絕不可有半點含糊。照情形看來、祖師爺對香江府衙嘅慢三拍辦事態度已經不耐煩矣!不過打開部「歸本法」左查右查、都查不到陳所以天師所講嘅「禁止妖氣蔓延」這麼樣的一條法則。咁算唔算係間接催促府衙擺廿三條台呢?

以陳所以天師曾經是「講馬辦」二當頭來講、冇理由唔知到「歸本法」係冇「禁止妖氣蔓延」這一條法則嘅。因此佢講嘅嘢可以視作為吹水、但要注意嘅就係究竟佢想傳遞些甚麼訊息。總言之、世界上嘅政客都係語言偽術家、如無政治慧根嘅人最好就唔聽、萬一理解錯誤就好容易出事。由其是在今天這個大千世界裡面啥人都有、誰是人、誰是鬼、根本上只有當事人自己才知到。眼前所見的未必係真嘅、正如某些造反做到出晒面嘅人未嘗不是無間道一樣。問題是人們是否能夠看得透而矣!舉個簡單例子來講、年前大坑有個賣「雞蛋仔」嘅阿伯被小販隊拘捕、而觸發起一場社會大審判風波。當時十個人之中有九個半都指責小販隊做得太過份、甚至有個別傳媒以「魔鬼」去形容他們。人們都認為一位寧願棲身於小巷兼自食其力都不肯依靠公援過日嘅孤獨老人、是不應該受到欺凌、於是有熱心人士在互聯網呼籲為阿伯籌錢打官司。當時社會上對小販隊口誅筆伐嘅聲勢之大、都可謂一時無兩。殊不知當阿伯嘅背景曝光之後、才發現他不單止一家幾口住公屋和領取公援金、而且在大陸還有另一頭住家。就在這一剎那、整個熱騰騰嘅世界忽然間冷卻下來、彷彿啥都沒有發生過似的。對某些人來說、只是白鬧一場而矣!但問題是、當中又有幾人能夠從事件之中吸取教訓、學曉從多個角度去觀察事物呢?

10 則留言:

  1. 而家啲官府就只知道多一事不如少一事,個個都係明哲保身,有事賴得就賴推得就推……
    咁就梗係喇,第一,做大嗰個正等緊咬糧,乜都會放軟嚟做,一日佢地唔走,做細嘅便上唔到位,所以想搏都嘥氣……
    如果要我話去殖民化,第一就要剷走呢班霸住屎坑唔放屁嘅官同埋啲政棍!

    回覆刪除
    回覆
    1. 其實都無須剷喇!過多幾年香江人就有唔同想法架喇!

      刪除
  2. 好友✬*☾º°¨✫晚上好☁° ★
    ♦..╭══╮
    ╭╯ΘΘ ║
    ╰⊙═⊙╯。。゚•ೋ
    大家中秋節*•ღ團團圓圓¨♥`❤
    滿滿甜甜蜜蜜♡*快樂不絕Ѽº°¨
    ♣♧♣♧♣♧♣♧♣♧♣♧♣♧♣♧♣♧♣

    回覆刪除
  3. 回覆
    1. 政府如是、政棍如是、政治盲流亦如是....

      刪除
  4. 天師捉妖,導演波瀾斯基,呢齣戲我睇過3次,恐怖得嚟搞笑。但你呢套天師「篤」妖,個天師俾彊屍噬咗一啖都唔察覺,連佢自己成咗魔都唔知,你話死未!

    回覆刪除
    回覆
    1. 原因咱家天師係「山寨」貨嚟吖嘛....

      刪除
  5. 官家慢三拍
    為怕講獨客
    天師來篤妖
    政客急道白

    回覆刪除
    回覆
    1. 政棍話唔怕
      全城被綁架
      擋駕有盲流
      大學草泥馬

      刪除