2015年9月16日星期三

發軟蹄


契錯大佬插錯旗
口甜舌滑放飛機
腳步浮浮哭着笑
軟蹄硬嘴聽收皮
 

日前戰中廷助教認真風騷、佢話「和尚打傘」嘅目的就是要拖垮阿爺嗰隻831紅股、現在831已冧目的已達、注於收受花旗柑一事只係濕濕碎至喎!戰中廷助教仲話、若然長老會堅持要以三不「不准當長老、不准做監督、不准食黑柑」將他綁三年嘅話、佢冇乜所謂架、只不過恐怕西方極樂世界會好唔高興喎!呢嗱、戰中廷助教咁講法、雖然聽起來有點屁股幽靈咁嘅味道、但諗深一層又覺得大教館真係唔多敢對佢動真格。如果你話畀我聽、戰中廷助教係驚食豉辣炒魷驚到搬西方極樂世界出來嚇人嘅話、我係唔會相信嘅囉!我反而覺得、首先係佢係無須依靠選民投張票畀佢才有工開、其次就係即使大教館唔要佢、尚可投奔西方極樂世界、所以才會咁大口氣架咋!乜唔係咩?!

呢嗱、必須要依靠選民投票畀佢才有得撈嘅涼茶大叔、就冇戰中廷助教咁風騷喇!佢日前宣布、不會參與競逐下屆人民公社尊貴寶座。佢話自己混咗咁多年連屁都搞唔出一個、仲要被人當咗佢係看更、感覺好冇引。所以佢決定退下火線、讓個位出來畀班後生仔喎!涼茶大叔嘅講話令在下臭到一股意興闌珊嘅味道。唔通真係如江湖傳聞所指嘅一樣、佢怕輸?咁又好難怪佢嘅、邊個叫佢當日出口術鼓吹人家嘅仔女去以身試法?就算班後生仔冇所謂、但係班家長一定唔係咁諗啦!係冇?由其是當下曾經參與「和尚打傘」運動嘅人士陸續被判刑、令到眾多等待審判嘅後生仔個個都揗晒雞、不竟一坐監個底就花晒吖嘛!你認為呢班人讀咁多書、真係唔介意前途似咁?昨日唔恨涼茶大叔、並不等如明天都唔恨佢架!相信最清楚嘅人大概都係涼茶大叔自己喇!否則佢又點會、話唔玩、就唔玩?計我話、嗰班後生仔亦唔使怕喎、踎完監出來做唔成總經理唔係要、因為仲有份又冇王管、又冇責任、又高薪水、又多津貼嘅靚工等緊你去做架!吓、乜嘢工?答案咪就係人民公社尊貴囉!

12 則留言:

  1. 好友☁。*☀午安&黃昏好嚟☼*`•開開心心話咁快又星期三呢
    好快就到中秋節喇喂•❣・。。゚♥記住要節制月餅&美食的魅力
    っˆヮˆ)っ*¨`*這才做到Ѽ齊齊.¤睡好吃好`・✱身體要好喇喂
    哈哈。ღ*當然•❣・。。゚♥齊齊繼續❥・゚゚❤幸福又簡單的生活呢

    回覆刪除
  2. 人民工社尊貴真係好筍架,所以咪咁多人爭囉,不過唔緊要,踎完監出來嘅「名人」比其他後生仔有優勢。

    回覆刪除
  3. 17個捉放曹....
    律政司...明放...吹咩

    回覆刪除
    回覆
    1. 咁就值得恭喜喇!不過聽講仲有下集未上演....

      刪除
  4. 我就話睇住先啦,話唔參選?唔信,除非佢唔係脂粉客咯!

    回覆刪除
    回覆
    1. 講起脂粉客、我就想起如果脂粉客碰着石女嘅話、豈不是蛋家雞見水?

      刪除
  5. 我相信佢唔參選係知道自己有機會落敗,所以急流勇退係最佳選擇。

    回覆刪除
    回覆
    1. 在下亦相位涼茶大叔係有先見之明嘅。

      刪除
  6. 真係住得背,秋唔知邊個係涼茶大叔𠻹!

    回覆刪除
    回覆
    1. 聽講此君有好幾個綽號;其中包括苦瓜大狀、布巾大狀、笑面貓大狀等....

      刪除