七一狂想 之 泛獨不如學揸兜

泛獨不如佔地踎

日乞數萬冇吹牛

勿在香江來犯眾

起程杜拜去揸兜

今日七一乃係“㷫”回歸大日子、本城泛㒼政客如住年一樣帶領擁躉跑上街頭唱反調。今年所不同者、就是忽然多了一群為保私利嘅大夫團體加入遊行、而今晚亦將會出現一群話明要爆西廠大鑊嘅泛獨廢青。講起廢青、在下便想起早前杜拜出現一名16歲龍裔乞丐、在一個月內乞得超過四十七萬両人銀、而成為乞中之冠。呢嗱、大家都係不務正業嘅廢青、紫荊城廢青只懂得上街發爛渣、做埋啲損人不利己嘅事、而人家中土廢青卻遠赴杜拜踎街發大財、都可謂同廢唔同命咯！人家乞青帶埋成籮銀両返歸嘅時候、班鄉里對佢都不知幾咁仰慕、呢啲咪就係乞得出色囉！計吓條數、揸兜兩年就可變成千萬富翁、認真諗得過架！點都優勝過在紫荊城泛獨、起碼唔使乞人憎吖嘛！況且、呢個世界厭窮不厭乞、邊個有銀、邊個就係大爺。快啲起程啦！別再擔誤青春喇！

之不過、講到做乞兒呢家嘢、並唔係人人都有資格嘅、必定要睇吓當事人個相入唔入格至得嘅。縱觀整個棍壇、在今日之前若然常無認咗第二、恐怕都冇邊個人夠膽認第一。之但係、到咗今時今日、常無已經係明日黃花嚟架喇！當今後起一輩嘅廢青之中、論潛質之優厚、首推嘅當然係痴瘋啦！此子除咗骨格精奇之外、連副尊容都係萬中無一嘅王者之相。如果佢將頭頂把草留到同常無一般長短嘅話、肯定係乞兒中嘅霸主。如果佢帶埋香江眾痴、香江乜乜、香江勿勿等泛獨人馬齊齊踩人杜拜揸兜嘅話、相信唔使一年便要包起隻貨櫃船才能夠運啲銀両返來本城。到時嘅痴瘋何止係世界第十咁濕碎、簡直連奧黑馬都要認佢做契哥、排名世界第一㖭啦！嗰啲甚麼官涌羅、任敬馮、涼爽奇、陽台黃、消遣聰、號癲陳等新一代泛獨頭子都要飛撲出嚟以痴瘋馬首是瞻至係。咁你話嘞、係咪泛獨不如做乞兒呢？嗱嗱、各位廢青如果想發達就唔好再喺度泛獨喇、不如帶埋個兜去杜拜踎街仲好喇！