拒簽確認輸？

兩㒼起勢扮頭痕

拒簽疑雲偽似真

此書確認無新意

獨怕新丁送舊人

呢嗱、自從戰中一役之後、泛獨便在城中崛起、甚至有壓倒泛㒼之勢。上次半文錢小將涼爽琦雖然在垃圾會填氹大寶之中、被公㒼幫嘅戇嬌楊擊敗、但所得的票居然超過六萬半。據權威人士透露、涼爽琦參加來屆大選、必定撬走數萬泛㒼票、如果再多幾個勇武人士參選嘅話、後果就更加難料、對泛㒼來說、無疑是一場大災難。之但係、當講府使出“參賽者必須簽字確認輸、支持歸本法和確認金紫荊跟天朝有不可分割嘅關係”這一着撒手鐧出來對付泛獨時、兩㒼（公㒼幫和㒼子幫）居然莫明其妙地群起表態拒絕簽署確認輸。理由就係簽署確認輸等同如轉軚喎！呢嗱、確認輸擺明是踩泛獨而益泛㒼、而兩㒼呢趟整色整水、無非是想瞞天過海而矣！

嗱嗱、我唔係亂噏架、其實兩㒼班友都不知幾咁支持確認輸至係、所謂少隻香爐少隻鬼吖嘛！之不過、有人見水即抽嘅劣性難改、於是率先反對以示正義、順便將講獨仔轉灣之路堵塞。根本上、泛獨被拒於參選大門之外、得益最大就係泛㒼、其次再輪到亂制、而最失望嘅人就只係花旗佬。因為花旗佬一直係靠在它國內部鼓吹色革命倒其執政者、然後扶自己心儀嘅人上位。但憑當今之勢看來、恐怕花旗佬想在本城推動怒火街頭勢難如願喇！畢竟一條橋是不可能不斷重覆使用、況且中東嘅亂象、以及巴比倫人是被誰弄至家破人亡、都是大眾有目共睹的。花旗佬把口雖然唔認、但其卑鄙性格和恐怖手段早已係路人皆見。恐怕除咗那群反紅反上腦嘅政治盲流一族之外、正常嘅龍傳人是絕不願意見到天朝被西方瓦解的。以泛㒼過去四年嘅惡劣表現而言、即使唔衰在泛獨手上、亦未見得能贏得了亂制。雖然今次嘅選舉係水鬥水之局、但在下認為泛㒼嘅形勢並不樂觀。