白色恐怖

若然怕恐怖

最好唔去做

硬要爭逞強

如上不歸路

日前擘口姐姐河粉絲公開呼籲、喊講獨人士不要害怕、因為越是害怕、白色恐怖則越多喎！對的、膽子越小嘅人、內心恐懼則越多。但把話題拉到政治層面上去、就大有商榷餘地。所謂白色恐怖對一般安份守己嘅人是不存在的。只有一心與統治者對抗嘅人才會感受到的。紅家老總經常講、人不犯他、他不犯人、人若犯他、他必犯人。換句話講、即係誰人敢膽向他挑戰、定必以牙還牙。因此、驚就唔好做、做就唔好驚。坦白講、除非當事人不與統治者為敵、否則白色恐怖是必須面對嘅一環、絕不為個人意智所轉移的。

呢嗱、所謂針唔拮到肉係唔知痛嘅、河粉絲叫人唔使驚就講得夠晒輕鬆喇！例如吹雞林咁、佢之所以能夠平安回家、大概係有關方面並不打算要困死他。當事人之所以膽敢公然爆大鑊、最少也有兩個可能性。第一個、當事人為求公義視死如歸。第二個、已經鋪排好後路而有恃無恐。注於所謂嘅被跟踪是耶非耶、恕在不敢妄加判斷。雖然狀王會會長尹子覃在某場合、批評講馬廠老總缸瓦王嘅講話破壞兩制之餘、亦曾就吹雞林不參與唱反調遊行作出質疑。尹子覃話唔明白、何解吹雞哥從冧鎮回來之時驚都未驚過、反而今次有大群人陪着佢走居然淆底起來、故此在感覺上有點奇怪、懷疑吹雞林仲有嘢未交代清楚喎！之但係、質疑歸質疑、事實歸事實、而事實係外人無法得知的。雖然在某些情況下、件事鬧得越大、安全系數亦越高、但世間上並無絕對的事。因此還是姑妄言之、姑妄聽之、不必太過認真。總言之、要做嘅人係唔會驚、會驚嘅人係唔會做。如果又驚又要做、就真係唔知點解咯！