2016年7月6日星期三

白鴨押錯注


咁啱得啱橋
買大偏開小
來人大把貨
神仙過鐵橋

吹雞林沙嫌攜帶着一叠淫亂宮廷嘅書籍跑到神州販賣、因違反當地法律而被捕。經過一輪調查之後、獲准簽保離境返回本城辦理好私事、然後再返回當地繼續接受調查。之但係、當事人回到自己老家之後、便決定不再返回神州。呢種情形、在本城是叫作棄保潛逃。當神州巡捕房透過某些渠道宣稱、假如吹雞林不回去、就會更轉為刑事強制措施(即人身自由限制令)、身為狀師嘅小黑桃明知那只是一項正常法律程序、而本城亦是在該令涵蓋範圍之外、但偏講成係對方恐嚇吹雞哥。在下聽聞後百思不得其解。唔知你又聽唔聽得出是那一門的道理呢?

自從吹雞林被釋放返回本城之後、他就變成日日見報嘅當紅炸子雞。一直當菠籮雞嘅白鴨幫兩大長老鐵頭和小黑桃亦為之聲名大噪。不過、弊就弊在呢趟取得嘅效果並唔理想、直程可以話係帶挈不足累事有餘。身為狀師居然講出那種與法治精神相違嘅話、試問跟涼茶杰講嘅那句“不守法並不等同不尊重法律”嘅屁話有何分別?鐵頭聲名狼藉唔在講、但小黑桃嘅形象一向不差、但經此一役就好難講矣!難怪近月來泛㒼嘅氣勢已為泛獨所蓋、而且極可能會大量流失年輕一輩損民嘅支持。老實講、死攬實吹雞林呢個水泡來炒作只係浪費時間。因為有不少人看得出、打鑼灣五人組跟紅家嘅恩怨從來與市民無關、而係牽涉人一場宮廷鬥爭之中。但係有些投機取巧之人以為機不可失、一味攬住呢個水泡大肆炒作、結果還是得不嘗失。本來有人想利用吹雞林在七一唱反調遊行當中擔大旗、點不知吹雞哥卻誤把跟踪他嘅記者當作為蒸發組人員而拒絕出席大遊行、搞到㒼陣作數作到連個招牌都作花埋、都可謂陸雲霆睇相、唔衰攞嚟衰咯!如果咁都唔算係落錯注嘅話、又算係乜呢、吓?!

註:神仙過鐵橋是一種賭錢方式、即是輸一買二、輸二買四、輸四買八、直到買中為止。但這種賭法是可以在短時間內輸去整副身家的。


14 則留言:

  1. 講賭係有限紅的,所以賭到最後就一定會輸。
    另,吹雞林可能為勢所迫受紅所制,掘過窿俾班狀師跌落下,咁佢就可以將功贖罪了!

    回覆刪除
    回覆
    1. 當日吹雞林豪氣地問記者、既然連佢都敢出聲、點解記老唔敢?但世界上有習個人真係唔怕死?到生死關頭就會想起個“驚”字來了!

      刪除
  2. 8個月無通知
    非法禁錮
    是那門子法律
    和尚打傘
    無法無天

    回覆刪除
    回覆
    1. 不同地方有不同法律。閣下所言在下尊重、但不敢苟同。

      刪除
  3. 話明河水不犯井水,偏偏有人以卵擊石。

    回覆刪除
    回覆
    1. 世事就是這樣、不同人做不同事。問題是有幾人敢於承擔後果而矣!

      刪除
  4. 睇到水泡亂攬,作數冇譜,即係手上籌碼已盡,惟有垂死掙扎。

    回覆刪除
    回覆
    1. 大話唔怕講、最緊要有人信就得喇!我們就當戲咁睇好了!

      刪除
  5. ★*¨✬好友☁・゚♦甜夢安睡嚟☾。゚☆週四╠╣aΡpy

    回覆刪除
    回覆
    1. 神鳳、午安。又周五喇、準備好周未節目未?

      刪除
  6. 香港,有呢的不分青紅皂白的狀師,是香港人不幸!

    回覆刪除
    回覆
    1. 今日世界除咗講惡之外、就是講奸架喇!

      刪除
  7. 政治複雜,好似脫鈎一役,好多人都押錯注!時近選舉,所以飯盟俾人擺上枱一啲都唔出奇!

    回覆刪除