2016年7月22日星期五

甩轆 放水 被人𢵌



坐館叫我去捉虫
學足關帝坐華容
先生來到黑透面
有條茂利褲穿窿

話說紅家會轄下嘅紫荊堂前年鬧鬼、而且越鬧越凶、越鬧越大。總舵主得知此事後更下令盡快肅清所有妖魔鬼怪、以維持紫荊堂穩定。紫荊堂坐館大哥得令後便吩咐大法師開壇捉鬼。經過七十九日連續作法之後、紫荊堂終於回復平靜。但當坐館大哥問大法師捉到幾多隻鬼時、答案竟然是零。坐館大哥登時吃驚地追問大法師、究竟原因何在?大法師輕描淡寫哋回答話、只因他忘記帶埋個葫蘆一齊去捉鬼、所以惟有呢頭捉、嗰頭放、總之將鬼怪驅走就是。

呢嗱、話就話鬼怪已被驅走、但實際上連一隻都沒走過。成班牛鬼蛇神經過一輪重新包裝之後、便變本加厲地上演群魔亂舞、弄得紫荊堂個朵葾崩爛臭、簡直當紅家會透明嘅。總舵主知到後勃然大怒、並派遣三當家南下認真督促紫荊堂班頭目咪過食嘢唔做嘢。三當家聞得是大法師甩轆而誤事之後、便馬上版起塊面質問、開壇作法乃是神聖嚴肅之事、豈容甩甩漏漏咁兒戲?三當家當場提醒所有頭領、人人都必須要按足本子辦事、絕不容許有人擅作主、更加容不得有掛羊頭賣狗肉嘅事情發生。三當家所講的一番話、使得在場嘅一眾紫荊堂頭領驚出一身冷汗來、尤以大法師為甚。難怪他老人家今年又被嚇到淡汗狂標而臥床不起、搞到在“堂㷫”這個大喜日子裡面都唔見佢蒲頭啦!難怪江湖上流傳、今屆坐館大哥嘅格局係、不缺天時和地利、但是獨欠人緣、以致無賢士可用、再加上其剛愎自用性格而令堂務舉步為艱、所以被視為冧莊無望。另有消息顯示、大總管和大賬房均有可能被提升為下屆坐館大哥嘅傳聞並不確實、原因係本屆三大班頭皆非總舵主心儀中人物。傳聞顯示大總管返米旗相夫教子、大賬房返楓葉過他的中產生活、大法師重返笑林寺鑽研罰法、而坐館大哥則全職在家教女訓妻喎!信不信由你喇!


20 則留言:

  1. 大總管和大賬房均有可能被提升為下屆坐館

    回覆刪除
    回覆
    1. 大總管和大賬房均有可能被提升為下屆坐館

      刪除
  2. 我就估唔到邊個啦,其實要搵…真係好難搵,既要今上喜歡,又要與衙門中人合得來,而且在商界有人脈…….
    總之就頭痕啦!

    回覆刪除
    回覆
    1. 目前禾雀亂飛係正常嘅。到時到候就會有人蒲出來架喇!

      刪除
  3. 對我地呢啲蟻民,邊個做坐館大哥又有乜所謂,一係就官傷勾結,齊齊搵大銀,一係就人緣唔好,成為破腳鴨,做乜都唔成,仲要叉眼揸頸。

    回覆刪除
  4. 依家啲賽果好難估,連葡萄牙都可以奪得歐洲國家杯冠軍,有乜野係無可能發生嘅呢!

    回覆刪除
    回覆
    1. 對呀、世事無絕對、咱們就等着瞧好了!

      刪除
  5. ★*¨✬好友☁・゚♦甜夢安睡嚟☾。゚☆
    ❥*¨❣╠╣aΡpy。゚♡話咁快又週末❤ღ♥

    回覆刪除
    回覆
    1. 神鳳妳好、周一愉快!

      刪除
    2. っˆヮˆ)っ好友☁*`♦早晨&午安好☀・゚☼
      ❥*¨*❣╠╣aΡpy❤。゚♡話咁快又新一週ღ♥

      刪除
  6. 小市民又話唔到事, 邊個做大哥都係咁啦!^0*

    回覆刪除
  7. 域Sir,爛攤子一個,邊個做都係一樣好唔到幾多。

    回覆刪除
    回覆
    1. Wai 兄、對呀、呢檔爛攤、神仙難救。

      刪除
  8. 域兄晚上好,
    紫荊城已經今非昔比咯, 城主之位請都冇人願做呀,

    有斷估就冇辛苦
    衰家通常食尾糊
    蜀中原來冇大將
    廖化也可取兵符


    回覆刪除
    回覆
    1. 華娃兄你好、
      有能力嘅人唔敢企出來、唔識嘅人就爭住做、無奈之極。

      茂利竟能作先鋒
      打仗唔贏亦慶功
      呢條呆例香江有
      議堂搞到爛容容

      刪除
    2. 哈哈! 好句,好句! 兩位好詩句。
      阿姨都唔識論時勢了,聽歌賞詩重好過。

      刪除
  9. 域兄:好像是琶琶的曲目,不知是什麼,又不是“ 十面埋伏”?

    回覆刪除