拒簽確認輸（二）

講獨難容確認輸

齊來起義拒支持

今日既然撕爛臉

但求施法滅天書

早幾日有報導指、大撞幫、乖公幫、白鴨幫數名未有在確認輸畫押嘅報名參選垃圾會專貴人士、已獲損管會通知被接納成為候選人。此消息一出便令到那些正感困惑嘅泛獨人馬斷然拒絕在確認書上畫押。半文錢嘅小將涼爽琦亦趁機向高級庭提出廢除確認書嘅合法性。雖部份輿論對泛獨嘅反應不認同、但回心一想、如果我係佢哋嘅一分子、亦同樣會有此反應。因為那份所謂確認書根本上就係毫無意義可言、否則那些沒有簽署確認輸嘅人又如何能夠取得參選資格？換言之、如傳聞實實嘅話、今次嘅混亂是由講府一手造成、要怪亦應該怪講府才對。但話說回來、我唔相信那些口口聲聲拒簽確證輸嘅政客、會真係為堅持理想而放棄賺取（每月薪會連津貼）廿幾萬元嘅大好機會囉！

講開又講、唔知點解、府衙做出來嘅嘢往往都係高深莫測、總是另人看得一頭霧水似的。損管會明明話、所有參選人必須在確認書上畫押才能過關、但唔知點解轉過頭來、部份泛㒼參選者又可以例外嘅。難道呢啲又係「特事特辦」乎？喂喂、上次督千金在飛雞場嘅一趟「特事特辦」仲嫌唔夠煩嗎？呢嗱、俗語都有講、正人先正己吖嘛！連損管會都唔守自己定下來嘅規舉、又焉能令人遵守呀？須知到、大細瞧呢家嘢、在本城係死路一條。夾硬嚟、只有死得死辛苦。所以話啫、雖然紫荊城回歸十九年多、但人心卻未有回歸過、非關政治問題、而係揸拂人無能力做好本份而矣！就以三任揸拂人來講、老古董心有餘而力不足、褒呔曾有能力而心不在、施威似鬥士多過似主持。咁、你話嘞、係咁過足十九年、咱家嘅社會又點會話、唔亂過亂世佳人呢？總之還是那句、問責與政策兩大山頭互不咬鉉必然出亂。要改變、就必須由根本做起。可惜嘅就係、從來冇人會去碰呢個熱山芋囉！自求多福啦、紫荊人！