講獨係揼雞？

亂噏原來係揼雞

瘋言背後有所為

飯盟終於同口徑

齊心合力廢施威

連日來、痴瘋哥嘅風頭都可謂一時無兩、呢頭剛剛宣布齋講眾志（齋眾幫）開張、嗰頭又做埋講獨發言人、聲稱如果本城早有普選、就唔會有人搞講獨。可惜痴瘋哥講嘅話無根又無據、而且佢嘅發言資格亦備受質疑。首先、不知痴瘋哥從那裡獲得授權代講獨發言？其次、他憑啥去斷定有普選就冇講獨？看情形、痴瘋咁多姿整、無非是假借講獨嘅角色配合飯盟過施威一棟、指他才是萬惡根源而矣！此子最大本領就係想入非非、而且吹起牛來面不紅耳不赤、確實是個可造之才。難怪當日夏蝙蝠入主花旗會館時、司機陳和煲腍葉兩人極力向他推薦此子啦！

曾經有勇武鬥士公開呼籲、為咗完成講獨大業寧為肉碎不作瓦全。由此可見、某些人為求達到一己目的、便企圖將紫荊城拖落水。其實大家都見得到、講獨嘅宗旨就是獨立建國、而反盟嘅目的卻是奪取話事權。須知到、獨立建國與奪權係兩件性質不同嘅事情。然而、現在反盟與講獨眉來眼去、一方提供保護傘、而另一方在社會上製造暴亂、若講話當中冇蠱惑、咁就搵人信都幾難。雖然話、無人有權阻止他人搞抗爭、但若然有人要推紫荊城落火坑、就唔係咁講喇！基本上、今日紫荊人嘅整體民主和人權狀況比之殖民時期並無不及、人們亦繼續享有各種自由權利、雖然社會被政治爭拗所籠罩、但紫荊城依然是一個世界級嘅城市、因此點睇都見唔到有造反嘅必要。在下認為爭取一樣從來未曾擁有過的東西、必須按部就班一步一步的去爭取、而不是冒着玉石俱焚之險一步到位。老實講、那群小輩開口寧為肉碎、埋口不作瓦全、皆因佢哋無知、但對於大多數在社會上艱苦打拼多年載才獲得今日安穩生活嘅人來講、是絕不容別人任意破壞的。其實大眾都有眼見、自從大歸以來、飯盟嘅硬碰硬作風啥也贏不到、反而加深朝廷疑慮以致適得其反。既然明知此乃死路一條、仍然有人要胡作非為、都可謂趨利之人、常為朋比、同其私矣！