由促銷電話講起

機主在發愁

庸官冇計謀

萬家皆着火

唯爾戇兜兜

呢嗱、垃圾會嘅筍盤爭奪戰期近、一些討好蟻民嘅議題又係時候被派上用場。今次垃圾會尊貴重提加強管控人對人促銷電話活動。之但係、茄呢蘇大老爺話、咁做會打擊七千多名從業員嘅生計、須要時間去研究喎！嘩、此君言下之意、大有以斷人生計去揞住幾百萬機民把口之勢。喂喂、茄呢蘇大老爺、家陣冇人想斷人咪路、只係唔想自己再被騷擾啫！人家申訴專員早在2010年就已經提出規管人對人促銷電話、並建議政府將選擇權力交還給機民、讓有興趣嘅人可以自行申請接收促銷電話、讓無申請嘅人不再受騷擾。呢單嘢一講就已經六年架喇、依家仲話要拖、究竟官老爺係咪當百萬機民嘅要求只係個屁呀？

由以上事件可以睇得出、社會上有很多矛盾並非解決不來、而係有人過於大細瞧才導致民怨沸騰。例如假難民（爛民）問題日益嚴重、莫講話大眾擔憂、就算連小數族裔（爛民同鄉）都頂唔順、走出來大吐苦水、其中還有人話考慮撤資添。然而、咱家官老爺眼見自己份合同就快到期、便索性關人鬼事唱番歌、留畀下家莊去搞、置蟻民之擔憂而不理。江湖上不斷有陰謀論流傳、爛民人人年輕、個個力壯、必定係好使好用、如果能夠讓他們不斷湧入城嘅話、黑白兩道嘅奴工市場就唔憂會缺貨。更重要嘅就係能夠降低投資成本、以及提升出口競爭力、而且無須因輸入外奴而被人鬧、呢啲叫做除笨有精吖嘛！按照陰謀論所指、莫非有人存心藉着爛民湧入奴工市場去壓低基層工資？咁講法、就真係信不信由你喇！不過從上一任金紫荊揸拂人停建公售屋、以及按緩興建公租屋速度看來、又確實係發了地產霸權、而苦了勞苦大眾。咁、你話啦、還有啥是沒可能的？