2016年4月6日星期三

痴瘋又成風頭躉



你說我傻不是傻
取隻咬烏做老婆
天生注定無能勇
合家剷泥學種蔬

江湖盛傳、痴瘋日前到獅子錢莊開聯名賬戶不果、便在記者面前老屈錢莊以政治理由拒絕他的申請。眾所周知、錢莊是站在商業角度看待所有客戶、絕不會無端白事拒絕市民開設戶口、除非有人被懷疑利用戶口去幹一些不乎合錢莊要求嘅活動則屬例外。坦白講、既然痴瘋要開戶口收取損款、最保險就係去花大叔名下嘅錢莊開賬戶、起碼唔會被托手踭、兼且可保資料不會走光吖嘛!試問點解要去找非親非故嘅獅子錢莊呢?難怪有人話、政棍係靠無事生非而令自己個朵見報、並藉此提升知名度。因為當一名政客在政壇上無聲無氣嘅話、就即係已經玩完架喇!

講開又講、日前何閣老在一個電台訪問節目裡面聲稱、他早就判斷「和尚打傘」只會打沉紫荊城嘅經濟、以及引發店鋪倒閉潮和失業潮、並點名批評痴瘋將失業原因歸咎於大機構裁員乃屬傻仔講痴話。痴瘋聞言後、便透過傳媒反指何閣老谷埋一肚氣、才會幼雅到拿他來做出氣袋。但何閣老卻不以為然、並公開約痴瘋齊齊去逛城中嘅購物區、數吓係咪有好多吉鋪、如果係佢搞錯、就會向痴瘋扣頭兼認係傻仔、若然痴瘋錯咗、就要立即收聲同埋向佢鞠躬認傻仔。呢嗱、連堂堂大閣老都跟隻小蝦蟆計較、難怪當日花大叔都捧佢上世界五十猛人榜嘅第十名啦!問題係、唔知到其餘四十九位世界級名人、是否甘心跟一隻小蝦蟆混在一起接受世人評頭品足呢、吓?其實、咁又好難怪嘅、因為世界早就變咗喇!記得在「和尚打傘」其間、一名古稀老翁回答記者提問時、聲稱自己不會多想、總之學生話點做佢就點做。呢嗱、一群連書包都未放低、尚且要靠食爺飯著乸依過日嘅黃毛小子、居然可以令到眾多在社會打滾數十年嘅老江湖緊隨其後聽其指揮、這豈不是荒天下之大謬嗎?難怪咁多人話政治是個老千局、係唔怕你精、唔怕你呆、只怕你唔來架咋。

15 則留言:

  1. 講來講去,而家見到的差不多全都是文革的縮影!

    回覆刪除
    回覆
    1. 講起嚟又真係好似、最似嘅就係學生變盲流矣!

      刪除
  2. 唔駛花錢租紅館又唔駛排隊等空檔,成個世界都係舞台,唔做show就笨.

    回覆刪除
    回覆
    1. 對呀、不過亦要當事人有新聞價值才可以的。

      刪除
  3. 網上傳聞有證有據,清朝陳家洛女兒,李鴻章後人李宗仁等曾將很大筆的政治財產轉往花旗國,花大叔早已私自拿去建設築鐵路等等。現在連同利息是天文數字,這筆帳絕不能還。所以要天朝越亂越好! 無暇重提此事。
    持有存款收據的陳、李後人已過百歲,只要他們大去,便沒有了人證,所以現今北京某大學正在組團關注此事。但天朝怕亂,打壓這個關注的團體,不想重提舊事。

    回覆刪除
    回覆
    1. 小蝦蟆錢從何來? 此小子與某議員在佔中前都走去花旗朝聖。花旗透過教會或名人出資過水,有了錢,人多好辦事啦! 阻街、掟磚! 大把人肯做。

      刪除
    2. 痴瘋是某大黨嘅“公開秘密武器”而且好使好用架!聽講話、佢將會係明日之星添喎!

      刪除
  4. 小蝦蟆成功之處,就係佢嘅行為同言論,會得到唔少政界名人回應或批評,咁佢又成功將知名度提高。

    回覆刪除
    回覆
    1. 這亦可看個到、紫荊城政治爭拗嘅範圍唔止係政府與政黨之爭、更多的還有其它隱藏着嘅勢力矣!

      刪除
  5. 痴瘋都靜左一段時間,都要搵D野浮下頭,唔喺就快唔記得佢架喇。

    回覆刪除
  6. Wai兄、你所講嘅、確係一矢中的喇!

    回覆刪除