2016年2月29日星期一

填氹之戰



烽台又見煙
惡戰大三邊
原來有蠱惑
靜待看明天

填氹擂台大賽已經有結果、這屆冠軍得主是大撞黨嘅大鱷喬、而紅建聯嘅李老頂和本無前嘅木人奇、分別獲得亞軍和季軍。注於何解財雄勢大嘅紅建聯會敗於出名陰濕嘅大撞黨手下就冇乜好講、反而獲得季軍嘅木人奇卻成為輿論焦點。坊間盛傳木人奇之所以獲得季軍、是代表着民眾對管治者嘅期望已經失去耐性、以致支持勇武抗爭嘅力量日漸擴大。呢嗱、唔知街坊對這個論調點睇、但在下卻認為尚有其它因素。

呢嗱、咪話在下斷估冇辛苦。依我睇當今之勢、其實爭來爭去都是傳統大戶和紅家兩大利益集團、而負責粉墨登場表演的就是雙方聘用嘅政壇演員。那些甚麼真補丸、假補丸、拉布、驅蝗、打水等玩意、亦只不過是兩大陣營用作打壓對方嘅手法。在傳統大戶而言、當然希望原有利益獲得保障之外、亦希望拿取到得更豐厚嘅利益、所以顧用了一群代理人為他們打拼。然而紅家是絕不可能做無兵司令、更不會讓自己嘅操控大權受到絲毫衝擊、所以安排更多架忌冷到來拓展業務、以緩和傳統大戶所造成嘅經濟影響力度。近年那名惶恐天下不亂嘅山姆大叔亦在此間上下其手、形勢就變得更加混亂、以致這場戲便越演越烈、結果搞到連勇武抗爭都擺埋上台。今次令紅家最頭痕嘅大撞黨勝出和勇武勢力抬頭、就是一個預告。那即是說、如果紅大兩家再互相薑持下去嘅話、到九月擂台大混戰極有可能出現大家都唔想見到嘅結果。看來紅家與大戶又要坐低飯杯茶食個飽、慢慢傾吓咯!

13 則留言:

  1. 域 Sir,政棍從來都是利益為先,坐低飲杯茶食個包,慢慢講掂數絕對不出奇。

    回覆刪除
    回覆
    1. 政客只是工具、真正在博奕嘅係幕後班大老闆。

      刪除
  2. 在各政棍利用全霉趨谷之下,年青一代已經有相當大的部分被洗腦,加上偏見又思想盲的長輩,這一群眾已經根深蒂固,力量深厚,紫荊城風流左幾十年,笑看內地風雲起,現在要注定受此一刧。

    回覆刪除
    回覆
    1. 難怪有人話、自己人永遠管不掂自己人矣!

      刪除
  3. 潮流會交替
    流行完武打片
    一定又興一輪文藝鬥智片

    回覆刪除
    回覆
    1. 武力只是談判籌碼、任何事到最後都要大家坐低攤開條數、唔掂講到掂的。

      刪除
  4. 回覆
    1. 難怪有街坊話、冇個揀得落手咯!

      刪除
  5. 政壇瞬息萬變,勇武派係咪真係有機會助大呢?睇吓九月選舉就自有分曉!我對於香港政壇已經感到厭倦,投票意慾亦愈來愈低!

    回覆刪除
    回覆
    1. 呢個世界假假真真、每一步都有其奧妙之處。在大博奕當中、勇武亦只是一顆棋子而矣!

      刪除