厚黑之最

明知路不通

誓要教人衝

居心何所在

惟有問諸公

呢嗱、論天下之厚黑、誰都比不上咱家壇之中那群陰陰濕濕、蠱蠱惑惑、專門躲在後面擁人家子女去當炮灰嘅政棍。這群政棍在戰中期間粉墨登場、向人家子女散播那些“不守法並不等如不尊重法律”之類嘅鬼話、使得一群羽翼未豐嘅新生代虛假正義感膨脹、視自己為正義化身、視法紀如無物、視他人的損失如應份。如今呢班皮笑肉不笑嘅政棍又出口術、話那群剛剛獲得「本地 funny 分子」殊榮的勇武兄弟口中所謂嘅「魚蛋夾麵」係講府迫出來嘅。但事實就係、連賣魚蛋嘅小販都唔知到有件咁事。咁你話嘞、呢班禮義廉嘅政棍係咪變相鼓厲人家嘅子女繼續往火坑裡跳呢、吓？

俗語都有講啦、人算不如天算吖嘛！那群天機算盡嘅政棍勢難想到、居然都會有索油索着火水嘅一日。原來人嘅眼睛真係雪一般的亮架！市民早就察覺到那些政棍只管鼓吹人家子女以身試法、但從來沒有讓佢哋嘅子女出來參與。每當關鍵時刻、那群政棍就人人躲避、個個失聯、留低班傘兵食自已。其中有一名口爽荷包立嘅X黨黨魁在龍X道戰場以揚聲氣叫囂、但當傘兵要求他帶領他們出擊時就一口拒絕。咁搞法、呢班自以為精甩辮嘅政棍、想話唔醜態畢露都難啦！當下、呢群聲名狼藉嘅政棍正在置身於被淘汰嘅邊緣、那些較有自知之名嘅人便自行引退、而那些心存僥倖嘅就賴着要盡地一煲。正因為這群政棍已經燃點起勇武抗爭嘅火焰、就算他們通通被淘汰、都無法消除佢哋遺留下來嘅孽障。現在激進勢力抬頭、本城亦恐難逃得過多事之秋。注於話、點解嗰班政棍明知咁鬥法係冇出路、都要揞住良心誤人子弟？我就真係唔知、如果你想到、就唔該話聲畀我知啦！但若想知佢哋能否繼續留低、那就容易得多。因為今秋立會選戰結果就是答案。不妨拭目以待啦！