勇武開年

靈猴獻果佢掟磚

今年誓要起鋒煙

締造社會唔得掂

城督作實有牽連

猴年果然唔係平靜之年、就在大年初一晚上十點半左右、本地派之中嘅獅龍會發動了一場勇武保護小販夜市行動、妨礙販管人員執行職務。當捕快接管現場後、大約在零晨時分、群眾便開始鼓譟、繼而爆發騷亂。期間發現有人以小型貨車將一批自製木棒、盾牌、頭盔等裝備運抵現場分發給示威者。有人以硬物撬起行人路上嘅鋪地磚塊、以備攻擊之用。有人在馬路上堆積雜物及放火。有人以棍棒與捕快直接格鬥。有人以武力阻止電視台記者拍攝、其間最少有兩名記者受傷。注於捕快方面就有人被示威者以多欺寡、打個落花流水。有一部只有一名車長的巡邏車被人包圍和襲擊。有捕快中磚倒地、亦有捕快向天鳴槍兩響警告來勢洶洶的示威者。老實講、在下從來見過紫城捕快被示威者揼得咁腍啉冧嘅、呢餐都可謂食到飽晒矣！不過呢班勇武英雄卻變成全城左中右傳媒齊齊譴責嘅過街老鼠、即使燶黨嘅受難可姐姐將件事入晒施威數亦無濟於事喇！

咪話在下又在赤口之日冇句好嘢講、從今次嘅抗爭路線、地點、武器提供等各方面看來、確實惹人懷疑今次事件是有預謀、堪至有可能是為快將來臨嘅另一場大龍鳳進行預演。江湖上流傳、無論導演是誰、監製是誰、金主是誰都不重要、重要嘅係戲必須要繼續演落去。總言之、就係要另朝廷明白紫荊城是不能接受再由這屆城督連任、否則事情將會沒完沒了。路邊社消息透露、城中有幾個大家族要推薦一位心儀嘅女性擔當下一屆城督。注於此女是誰、相信一定唔會係受難可或瞓街氫兩位阿姐、但結果很快就會揭曉。之不過、江湖上就有傳聞指出、正當飯盟被戰中拖累至聲名狼藉之際、便及時得到「銅鑼灣蒸發密令」打救而令鹹魚翻生、未必是純屬偶然嘅喎！古語有云“一家失熛、百家皆燒”吖嘛！打從社會上各個層面去睇、受創的是誰、受益的又是誰、相信很難會有明確嘅答案。如無估錯的話、類似嘅無厘頭衝擊將會陸續有來。總言之、直至明年城督人選落實之前、紫荊城絕不會寧靜到那裡去。